Et fut esleu ung noble homme et saige en tous estats, lequel estoit conseiller et maistre dhostel du roy nomme Pierre de Valletault dict Pierre Loys. Cestuy Pierre Loys grant mareschal des logis de toute larmee et du logis du roy bailloit par escript tous les lieux tant villes, chasteaulx, bourgs que villages par grant curiosite et diligence, car il narroit la situation des dicts logis comme sils estoient en plaine ou en vallee ou pres de prez, de boys, de grosses villes ou de mer, et a combien les compagnies estoient les unes des autres. Et tout bailloit par etiquets en la presence des mareschaulx de France le roy present, qui fut une chose de moult grant estime et grant soing touchant la dicte armee. Au surplus le roy et le conseil ordonnerent prevosts des mareschaulx tant pour larmee que pour sa maison, et ordonna plusieurs maistres dhostels de sa maison qui eurent la charge daller aux villes pour parler aux seigneurs et gouverneurs des dictes villes, pour les ouvertures et vitailles servant a larmee et au roy, lesquels se nommeront cy apres, mais ceulx touchant les buires sestoit Jehan du chasteau Dreux, Herve du Chesnoy, monseigneur de Mambranche Adrian de Lisle Adam, qui bien servirent le roy touchant leur charges et aydes des commissaires des villes commis de par la seigneurie du lieu la ou sestoit.

Autres maistres dhostel qui furent esleus pour aller es villes comme solliciteurs de par le roy et aussi comme commissaires du dict seigneur et gens saiges.

Cest assavoir Jehan de Cordomme dict Jehan Francois de par le roy a Florence. Charles de Brallat a Genne,

Rigault Dozeilles a Milan, Gaucher de Tinteville a Sene la vielle, Adrian de Lisle Adam a Pise.

Autres grans personnages furent envoyes en ambassade de par le roy avant le partement et depuis le partement du roy. Monseigneur de la Trimouille fut envoye de par le roy par devers le roy des Rommains, et Lucas au seigneur Ludovic, monseigneur du Boschage aux Venissiens, monseigneur Dargenton accompaigne de monseigneur de Montsareau son frere a Romme, monseigneur Daubigny et plusieurs autres qui ont servy le roy en tel estat par grant prudence, comme au Pape levesque dAutung, monseigneur le general de Bidault, monseigneur le general de Languedoc et autres comme le president de Gainay, lequel a servy tres bien le roy en tout ce quil la voulu employer en loffice de chancelier.

Et pour ce que plusieurs desirent scavoir les noms de ceulx qui servirent le roy en armes de corps et de biens pour ceste cause, jen nommeray une partie ou la plus grande part de ceulx qui sont de la parente du roy avec plusieurs autres chevaliers de lordre du roy. Premierement monseigneur dOrleans nonobstant quil demoura en Piemont et non sans cause.

Monseigneur de Montpensier. Mons. Philippe de Savoye. Mons. de Foix. Mons. de Luxembourg. Mons. de la Trimouille. Mons. dAubigny. Mons. de Myolans. M. de Vendosme. Angilbert monseigneur de Cleves. Mons. le mareschal de Rieux. Mons. le mareschal de Gie. Mons. de Piennes. Mons. de lEspare. Le marquis de Saluce qui demoura en Piemont.

Autres non de lordre. Monseigneur de Ligny. Mons.

de Lisle. Mons. le prevost de Paris. Mons. le seneschal de Beaucaire. Aussi plusieurs varlets de chambre, comme monseigneur de Barsac lequel le roy renvoya avec la royne. Jehan de Pouquere. Le baillif de Berry. Jehan monseigneur de Bourdillon. George, Michault Diion, Paris et plusieurs autres, comme Gabriel le maistre de la garde robe qui mourut a Naples, escuyers de cuysine, varlets tranchants, panetiers, eschancons, enfans dhonneur, huyssiers darmes, huyssiers de chambre, huyssiers de salle, huyssiers de cuysine, portiers, tabourineurs, harpeurs et joueurs de cornets et ceulx qui avoient bon corps pour faire saulx et souplesses.

Les maistres dhostels. Premierement, Jehan Francois nomme Jehan Cardanne chevalier. Charles de Brillac chevalier. Rigault Dozeilles chevalier. Guinot de Lousiers chevalier et maistre de son artillerie. Le baillif de Sainct Pierre le Monstier. Monseigneur le maistre Chandiot qui eut la charge de par le roy a Naples de venir par mer dedans la grant nav en France pour garder et conduyre plusieurs choses qui estoient dedans la dicte nav, ainsi que le roy luy avoit encharge. Monseigneur le baillif de Vitry. Jehannot du Tertre baron de Biay et maistre dhostel du roy. Gauche de Tinteville. Peron Levache. Pierre de Valetault dit Loys. Adrian de Lisle Adam. Mons. de Mambranche. Pierre de la Porte. Jehan Dannoy. Guillaume de Villeneufve. Les deux de Susanne Girault et Charles, lesquels demourerent de par le roy solliciteurs es pays de Naples. Mons. de la Brosse. Honnore du Chiel. Jehan de Chasteaudreu. Herve Duchesnoy Turquet, lequel fut fait a Romme prevost de lhostel du

roy, et lautre prevost sen retourna de Romme. Regne Perrant et Jehan Dusau.

Des autres principaulx officiers domestiques et ordinaires de lhostel du roy, la plus part y ont este comme paneterie de bouche et de commun, eschanconnerie, cuysine, garde robe, vaisselle, fourriere, tapissiers, serfs de leaue, clercs doffices, chambre aux deniers, escuyers de cuysine, de bouche et de commun qui se nommeront quant temps et besoing sera.

Le vendredy vingt et neufviesme jour du moys daoust le roy sen partit apres la messe ouye de Grenoble et print conge de la royne et des seigneurs qui sen retournoient en France avec la royne, et alla le roy disner a la Mure en Daulphine, ung petit bourg qui est a monseigneur de Dunois, et apres disner alla coucher a Ery en Daulphine, qui est une petite ville ou le roy fut receu honorablement selon leur pouvoir et puissance, et coucha a lescu de France.

Samedy trentiesme jour daoust le roy se partit de Ery apres la messe ouye, et alla disner a Sainct Bonnet et coucher a Gap en Daulphine, le roy y fut honorablement receu par les seigneurs de leglise, nobles du pays et autres gens, et fut loge en lhostel de levesque du dict Gap pres la grant eglise cathedrale, et en icelle maison fut trouve le premier escorpion estant en une vielle muraille.

Dymenche xxxi jour daoust le roy apres ouyr messe se partit de Gap et alla disner a Sorpes et coucher a Nostre Dame dAmbrun et fut moult honorablement receu de tous estats et logea chez levesque dAmbrun qui estoit en ambassade pour le roy devers le pape.

Lundy premier jour de septembre, le roy ouyt la grant messe devant Nostre Dame dAmbrun ou estoient ses chantres en grant triumphe. Et apres la messe ouye alla disner a Sainct Crespin et coucher a Briancon ou il fut moult honorablement receu de tous les estats du dict pays, cest assavoir leglise, noblesse et labeur, et fut le roy loge hors de la ville en une des belles maisons et hostelleries de France.

Mardy deuxiesme jour du dict moys de septembre le roy partit de Briancon apres quil eut ouy messe et alla disner a Susanne et coucher a la Prevoste Doree, et la luy fut monstre ung homme natif des pays de Poille, lequel estoit accuse de estre des grans maistres de ceulx de la Vaupute, car il avoit este prins en la dicte Vaupute, ce quil nyoit et disoit que il avoit deux fils marchans, lesquels estoient es pays de France, et que il les cherchoit. Toutes fois le soir que il fut prins, il fut presente au roy, et le laissa le roy et remist a leur discretion et jugement.

CHAPITRE VI.

Comment le roy fut receu a Suize* par ma dame la duchesse de Savoye.

ERCREDY troisiesme de septembre

le roy partit apres messe ouye de la Prevoste Doree et alla disner a Chaumont et coucher a Suize en Savoye, et la fut receu de par ma dame la Duchesse de Savoye, par

* Suse, ancienne et forte ville, on l'appelait la clef d'Italie et la porte

de la guerre.