La très curieuse et chevaleresque hystoire de la conqueste de Naples par ...

Francois, lors les ennemys voyant que leur secours ne venoit point, et que on recommencoit ,1a batterie contre leur place par assault furieux furent contraints de tout habandonner, et se rendirent a la personne du roy, le quel les receut eulx et leurs bagues saulves en laissant lartillerie et les vivres de la dicte place, au quel lieu incontinent mist ses gens et bons cappitaines pour la garder. CHAPITRE XXIII. Comment le roy fist mettre le siege devant le chasteau de Love, lequel fut prins.

E mercredy ive jour de mars le roy fist mettre le siege au chasteau de Love quasi vers le point du jour, le quel fut battu dartillerie tant que les pierres tombant en mer tuoient les poissons, et environ cinq heures de vespre ceulx du chasteau demanderent a parlementer, le roy estant present, par quoy leur octroya. Et envoya monseigueur de Foix et monseigneur de Myolan les quels allerent parler a eulx, et rapporterent la responce au soupper du roy au chasteau de deca. En ce jour apres disner la fille de la duchesse de Malsy en la presence de sa mere en uug lieu dict Ponge Real icelle fille avoit ung coursier de Poule et a bride avalee tant quil en pouvoit porter le fist courir et estrader quatre ou cinq longues courses, et ce fait fist contourner, virer, saulter et pennader le dict coursier aussi bien ou mieulx que le meilleur chevaucheur du monde. Le jeudy ve jour de mars a Naples le roy ouyt la messe aux Chartreux ou Celestins pres de la maison de monseigneur de Clerieux, et apres disner alla le dict seigneur veoir son siege devant le chasteau, et luy estant au dict siege aux tranchees de son artillerie le prince de Tharente vint par devers le roy pour parler a luy et avoit este envoye le maistre dhostel Brillac devers le dict prince monseigneur de Guyse et monseigneur de Ligny jusques a tant que le dict prince fust retourne de son parlement, et parla le dict prince au roy en ung jardin joingnant lartillerie soubs ung olivier au bout du dict jardin arierre de toutes ses gens ung petit get de pallet ou environ jusques a ce que le roy appella ceulx que bon luy sembla. Le roy estoit monte sur une mulle fauve a tout ung harnoys de drap dor, et avoit vestu ung sayon de drap dor bende de veloux noir, et par dessus ung manteau en escharpe bende de cramoisy et des brodequins blancs, et une toque descarlate et une riche ymaige, son espee au coste, et estoit tres bien acoustre comme bon gendarme et homme ^entendement, le prince de Tharente avoit une robe de veloux noir fourree de martres fines, ung pourpoint de fin satin noir, ung bonnet noir et tous ses habillements a la mode de France, et avoit des brodequins blancs, et estoit monte sur une petite mulle baye, et parlerent ensemble le roy et luy environ une heureet demye, et parloient moult saigement lung a lautre. Apres leur parlement tenu le roy appella monseigneur de Montpensier, monseigneur de Foix, monseigneur de la Trimouille, monseigneur de Myolan, monseigneur de Clerieux, monseigneur le mareschal de Gye avec plusieurs autres, et parlerent ensemble assez bonne piece le guet et les gardes joingnaut especialement les cappitaines a ce ordonnes, leurs paroles finies le dict prince print conge du roy et sen retourna en sa gallee qui flottoit sur mer devant le logis du roy, et le convoyerent monseigneur de Foix, monseigneur de Clerieux, monseigneur de Myolan et dautres grans seigneurs par le commandement du roy, et quant il fut sur le bort de la mer il print conge des dicts seigneurs cy devant nommes en se recommandant a la bonne grace du roy, devant que le dict prince de Tharente fust retourne en sa gallee ceulx qui y estoient par le commandement du roy dirent que les grans seigneurs du prince leur avoient fait grant chiere, car plusieurs joyeusetes leur furent monstrees en la dicte gallee ce pendant que le prince parloit au roy, et quant le prince fut en la dicte gallee furent encore mieulx festoyes, finablement print conge monseigneur de Ligny, monseigneur de Guyse et monseigneur le maistre dhostel Charles de Brillac, le quel avoit eu la charge du dict parlement; et iceulx vindrent devers le roy faisant les recommandations du dict prince au roy, et ce dict jour ne fut tiree artillerie dung coste ne dautre. Vendredy vie jour de mars le roy ouyt la messe aux Celestins, puis sen alla disner en la maison de monseigneur de Clerieux, ce jour se continuoient les treves du Chasteau Nove jusques au samedy midy. Et ce jour se partirent plusieurs gens du dessus dict chasteau Nove en grant nombre, dont y en avoit plusieurs blesses, les Es

paignols allerent au prince de Tharente, les Alemans se vindrent rendre au roy tous par sauf conduit. Et ce jour entra au chasteau par le commandement du roy monseigneur de Cresol, messire Gabriel de Monfaulcon avec ses archiers, une quantité des gens de messire Gabriel de Montfaulcon et des siens une aultre quantite les quels eurent la charge du chasteau et des biens estans au dict chasteau en grant nombre qui estoit une belle chose a veoir les biens qui estoient dedans le dict chasteau de toutes sortes et de plusieurs facons. Samedy vne jour de mars le roy ouyt messe a Sainct Dominique et disna en son logis, et apres disner alla veoir le Chasteau Nove apres ce que les Alemans et autres nations furent dehors, et entra dedans le chasteau a telle compaignie quil luy pleut. Quant le roy eut veu le dict chasteau a son aise partit et vint veoir son siege devant le chasteau de Love, et sur le tart le prince de Tharente vint parler au roy joingnant lartillerie, dont monseigneur de Ligny et monseigneur de Guyse estoient en ostaige jusques a son retour, ce parlement fut brief, car il estoit tart le prince print conge du roy en sa gallee et incontinent monseigneur de Ligny et monseigneur de Guyse revindrent devers le roy. Ce jour le prince de Salerne arriva a Naples le quel avoit este fugitif cinq ans pour la crainte du roy Alphonce de Naples et ce jour trouva ung sien petit fils que le dict Alphonce avoit tenu prisonnier, mais le cardinal Petrus Advincula lavoit rachete et baille grosse rancon pour luy. Dimanche via" jour de mars le roy ouyt messe aux Chartreux et aux Augustins et alla disner chez monseigneur de Clerieux et apres disner le roy alla en son siege et la fut faicte la reponse que le roy ne feroit pas ce que les autres demandoient, et fut envoye le Prevost de Paris et lescuyer Galiot qui les sommerent deulx rendre, ou au trement on leurs monstreroit de beaulx points, ce que on fist, car en moins de trois heures on tira plus de ccc. coups dartillerie contre le dict chasteau, et sur le tart le roy sen retourna en son logis en la ville acompaigne de plusieurs grans seigneurs. Lundy ixe jour de mars le roy ouyt messe a lAnunciade et disna en son logis, et apres disner alla au siege et veit la batterie qui se fist ce jour, le soir revint a son logis en la ville, la batterie fut grant ce jour qui estonna fort ceulx du chasteau. Mardy xe jour du dict moys le roy ouyt messe aux Chartreux puis alla disner aux tranchees de son artillerie devant le dict chasteau de Love, et disna soubs ung pavillon. Et fut tant battu le chasteau que on abatit en la mer une des grosses tours qui y fut tellement que on veoit dedans le dict chateau tout par tout, et telle tormente fut du ton de lartillerie que les gros poissons veuoient tous mors sur la mer par limpetuosite et habondance des grosses pierres qui cheo:ent dedans.

Mercredy xi" jour de mars le roy ouyt messe aux Chartreux, et alla disner aux tranchées du siege, et fut tellement battue que ceulx de dedans ne scavoit ou eulx saulver, et veit le roy ses gens aller par dessus la chaussee jusques en leur boulevart, et se combattirent ensemble tellement que ceulx de dedans envoyerent querir des arbalestriers, mais ainsi que iceulx arbalestriers venoient