Et ainsi fut le roy seigneur du chasteau. Puis le roy ordonna le cappitaine Claude de Rabandanges et monseigneur de Lavernade avec certain nombre de gens requis par eulx, puis sortit le dict cappitaine Claude et son fils et ses gens sans rien oster de la dicte place vitailles ne autres choses. Samedy xiv" jour de mars le roy ouyt messe au mont dOlivet, et disna au logis de monseigneur de Clerieux. CHAPITRE XXIV. Comment le roy receut les hommaiges el fidelites des princes et princesses du royaulme de Naples et autres pays et faisant les officiers.
«fi IMANCHE xv de mars le roy ouyt messe a lAnunciade, et ne bougea du chasteau de Capouane sinon pour aller ouyr la messe jusques au dimanche Xxii du dict mois en rece^pssl] Tant 'es fidelites et hommaiges des princes et princesses du royaulme de Naples ensemble des nobles seigneurs et nobles hommes, tant de la ville de Naples et terre de la Bourde, Calabre, de Pouille que dautres pays subjets au dict royaulme. Lundy xxm de mars le roy ouyt messe a lAnunciade et apres disner alla jouer a Ponge Real, et devant luy la fille de la duchesse de Malsy comme cy devant est escript fit mille pennades, saulx et cources sur ung grant coursier de Poule, la quelle chose estoit merveilleuse a veoir faire une fille, et cuyde que au siege de Troye la grant
les dames qui vindrent au service des Troyens neussent sceu faire la centiesme partie des choses quelle faisoit. Mardy xxiv de mars le roy ouyt messe au mont dOlivet, et disna au chasteau de Capouane en recevant dautres gens a fidelite et hommaige, et estoit estably le lieu ou faisoit la chancellerie comme en France, et presidoit en estat monseigneur le president Gaisnay, monseigneur le chancellier et les secrettaires du roy soubs luy ayant seaulx grans et petits a queue simple et a double donnant grace et remission comme en France aubaynes et forfaictures, ordonner coing a monnoye dor, dargent et aultres metaulx en plusieurs sortes comme escus, ducats a double nom, double coing du roy nouveau fait par luy, les armes de France dung coste, celle de Sicile de lautre a croisette de Hierusalem. Oultre le roy mist et fist pour lors, de la monnoye nouveau maistre Marceau, aux domaines maistres nouveaulx en tous estas a son vouloir et plaisir. Aussi il fist dons a ses gens des offices des pays cy devant nommes, tant aux seigneurs, gentils hommes gens darmes que a ses officiers, et tout passe par la court de la chancellerie chez le roy ainsi comme en France. Mercredy xxv de mars le roy ouyt messe a Sainct Pierre qui estoit le jour de la Nostre Dame joingnant son logis et alla disner a son dict logis, et ouyt vespres a Nostre Dame de Consolation, ce jour vindrent nouvelles que Gayette estoit prinse. Jeudy xxvi de mars le roy ouyt messe a Sainct Jehan, ce jour monseigneur de Beaucaire se partit de Naples et alla prendre possession du dict Gayette.
Vendredy xxvn de mars le roy ouyt messe a lAimnciade, et apres disner alla jouer a Ponge Real. Samedy xxvm de mars le roy ouyt messe a Nostre Dame de Consolation et disna a son logis, et alla veoir la muraille neufve de autour de Naples et aucuns lieux. Dimanche xxix de mars le roy ouyt messe a lAnun- ciade, et disna a son logis, apres disner alla jouer a Ponge Real. Et ce pendant le fol du roy Alphonce nomme messire Jehan monta dessus une des tours du chasteau de Capouane au logis du roy, et en se jouant print une piece de boys plate, et en reculant arriere, la piece de boys fut plus pesante que le dict fol, parquoy il tomba du hault en bas et se tua, dont le roy fut moult courrouce. Ce jour furent cryees joustes en la grant place pres le Chasteau Neuf, autrement dict Castel Nove. Lundy xxxe jour de mars le roy ouyt messe a Nostre Dame de Consolation et disna a son logis, et apres disner alla jouer a Ponge Real. Mardy xxxi de mars le roy ouyt messe a Sainet Pierre, et apres disner alla jouer a Ponge Real. Mercredy premier jour davril le roy ouyt messe a lAnunciade. Ceste matinee ung povre homme des champs monta sur ung puys pour monter dessus son cheval, le cheval se tira tout court pres du dict puys si soubdainement que le dict homme cheut au dict puys et fut noye, et fut pres du chasteau Capouane, et apres disner le roy alla jouer a Ponge Real. Jeudy ne jour davril le roy ouyt messe a lAnunciade et alla disner en son logis, et apres disner alla jouer chez monseigneur de Clerieux.
Vendredy troisiesme jour davril le roy ouyt messe a lAnunciade et disna en son logis, et apres disner alla jouer chez monseigneur de Montpensier. Samedy IVe jour davril le roy ouyt messe a lAnunciade, disna a son logis, et apres disner alla jouer devers la mer du coste du marche en tirant contre la Calabre. Dimanche ve jour davril le roy ouyt messe a Sainct Pierre et disna a son logis, puis apres disner alla jouer a Ponge Real. Lundy vi, mardy vu, mercredy vm, et jeudy ixe jour du dict moys le roy ouyt messe en plusieurs lieux et en ces jours il alla veoir les douanes tant de marchandises que es autres douanes ou on faisoit les gallees, galliens, nefs et autres navires, et ou on forgeoit les choses appartenantes aux dicts navires. Vendredy xe jour davril et samedy xi" le roy ouyt messe a Sainct Dominique et disna a son logis, et apres disner alla veoir ramener son artillerie du siege et celle qui avoit este prinse et trouvee aux dictes places de Naples dont la plus part fist amener en France. Et en ces jours monseigneur dAubigny partit de Naples pour aller en Calabre accompaigne de ses gens darmes et Alemans qui estoient en grant nombre Dimanche xne jour davril le roy ouyt messe a Sainct Jehan et disna a son logis, et apres disner alla jouer a Ponge Real. Lundy xme jour davril le roy ouyt messe a Olivet, et disna chez monseigneur de Clerieux. Mardy xive jour davril le roy ouyt messe aux Cordeliers et disna chez monseigneur de Montpensier, et ce
