de la meditation il faille les repeter et reprendre. Mais quant aux resolutions il les faut faire apres les affections, et sur la fin de toute la méditation, avant la conclusion, d'autant qu'ayant à nous representer des objets particuliers et familiers, elles nous mettroient en danger d'entrer en des distractions, si nous les faisions parmy les affections.

Emmy les affections et resolutions, il est bon d'user de colloque, et parler tantost à Nostre Seigneur, tantost aux anges, et aux personnes representées aux mysteres, aux Saincts, et à soy-mesme, à son cœur, aux pecheurs, et mesme aux creatures insensibles, comme l'on voit que David fait en ses pseaumes, et les autres Saincts en leurs meditations et oraisons.

CHAPITRE IX.

Pour les seicheresses qui arrivent en la meditation.

S'il vous arrive, Philotée, de n'avoir point de goust ny de consolation en la meditation, je vous conjure de ne vous point troubler; mais quelques fois ouvrez la porte aux paroles vocales : lamentezvous de vous mesme à Nostre Seigneur, confessez vostre indignité, priez-le qu'il vous soit en ayde, baisez son image, si vous l'avez; dites-luy ces paroles de Jacob: « Si ne vous laisseray-je point, Seigneur, que vous ne m'ayez donné vostre be

« nediction; » ou celles de la Chananée: « Ouy, Seigneur, je suis une chienne, mais les chiens « mangent des miettes de la table de leur maistre. »

Autres fois prenez un livre en main, et le lisez avec attention, jusques à ce que vostre esprit soit reveillé et remis en vous : piquez quelques fois vostre cœur par quelque contenance et mouvement de devotion exterieure, vous prosternant en terre, croisant les mains sur l'estomach, embrassant un crucifix; cela s'entend, si vous estes en quelque lieu retiré. Que si apres tout cela vous n'estes point consolée, pour grande que soit vostre seicheresse, ne vous troublez point; mais continuez à vous tenir en une contenance devote devant vostre Dieu. Combien de courtisans y a-t'il qui vont cent fois l'année en la chambre du prince sans esperance de luy parler, mais seulement pour estre vouz de luy et rendre leur devoir. Ainsi devonsnous venir, ma chere Philotée, à la saincte oraison purement et simplement pour rendre nostre devoir, et tesmoigner nostre fidelité. Que s'il plaist à la divine Majesté de nous parler, et s'entretenir avec nous par ses sainctes inspirations et consolations interieures, ce sera sans doute un grand honneur et un plaisir tres-delicieux; mais s'il ne luy plaist pas de nous faire cette grace, nous laissant là sans nous parler, non plus que s'il ne nous voyoit pas, et que nous ne fassions pas en sa presence, nous ne devons pourtant pas sortir; ains an contraire, nous devons demeurer là devant cette sou

veraine bonté, avec un maintien devotieux et paisible; et lors infailliblement il agreéra nostre patience et remarquera nostre assiduité et perseverance; si qu'une antre fois quand nous reviendrons devant luy, il nous favorisera et s'entretiendra avec nous par ses consolations, nous faisant voir l'amenité de la saincte oraison. Mais quand il ne le feroit pas, contentons nous, Philotée, que ce nous est un ho neur trop grand d'estre aupres de luy et à sa veuë.

CHAPITRE X.

Exercice pour le matin.

Outre cette oraison mentale, entiere et formée, et les autres oraisons vocales que vous devez faire une fois le jour, il y a cinq antres sortes d'oraisons plus courtes, et qui sont comme agencement et surgeons de l'autre grande oraison, entre lesquelles, la premiere est celle qui se fait le matin, comme une preparation generale à toutes les œuvres de la journée: Or vous la ferez en cette

sort e

1. Remerciez et adorez Dieu profondement, pour la grâce qu'il vous a faite, de vous avoir conservé la nuict precedente et si vous aviez en icelle commis quelque peché, vous iui demanderez pardon.

2. Voyez que le jour present vous est donné,

afin qu'en iceluy vous puissiez gagner le jour advenir de l'eternité, et faites un ferme propos de bien employer la journée à cette intention.

3. Prevoyez quelles affaires, quels commerces, et quelles occasions vous pouvez rencontrer cette journée-là pour servir Dien, et quelles tentations vous pourront survenir de l'offenser, ou par colere ou par vanité, ou par quelqu'autre desreglement; et par une saincte resolution, preparezvous à bien employer les moyens qui se doivent offrir à vous de servir Dieu et advancer vostre devotion. Comme au contraire, disposez-vous à bien eviter, combattre et vaincre, ce qui peut se presenter contre vostre salut, et la gloire de Dieu. Et ne suffit pas de faire cette resolution; mais il faut preparer les moyens pour la bien exécuter. Par exemple, si je prevoy de devoir traicter de quelque affaire avec une personne passionnée et prompte à la colere, non seulement je me resoudray de ne point me relascher à l'offenser, mais je prepareray des paroles de douceur pour la prevenir, ou l'assistance de quelque personne, qui la puisse contenir. Si je prevoy de pouvoir visiter un malade, je disposeray l'heure et les consolations et secours que j'ay à luy faire, et ainsi des autres.

4. Cela fait, humiliez-vous devant Dieu, recognoissant que de vous mesme vous ne sçauriez rien faire de ce que vous avez deliberé, soit pour fuir le mal, soit pour executer le bien. Et comme si vous tenicz vostre cœur en vos mains, offrez-le

avec tous vos bons desseins à la divine Majesté, la suppliant de le prendre en sa protection, et le fortifier pour bien réussir en son service, et ce, par telles ou semblables paroles intérieures : ô Seigneur! voilà ce pauvre et misérable cœur, qui par vostre bonté a conceu plusieurs bonnes affections; mais belas! il est trop foible et chetif pour effectuer le bien qu'il desire, si vous ne luy departez vostre celeste benediction, laquelle à cette intention je vous requiers, ô Pere debonnaire, par le merite de la passion de vostre Fils, à l'honneur duquel je consacre cette journée et le reste de ma vie.

Invoquez Nostre-Dame, vostre bon ange, et les Saincts, afin qu'ils vous assistent à cet effet.

Mais toutes ces actions spirituelles se doivent faire briefvement et vivement devant que l'on sorte de la chambre s'il est possible, afin que par le moyen de cet exercice, tout ce que vous ferez le long de la journée, soit arrousé de la benediction de Dieu; mais je vous prie, Philotéc, de n'y manquer jamais.

CHAPITRE XI.

De l'exercice du soir, et de l'examen de conscience.

Comme devant vostre disner temporel, vous ferez le disner spirituel par le moyen de la meditation; ainsi avant vostre souper, il vous faut faire un petit souper, au moins une collation devote et