Images de page
PDF
ePub

EXCUDEBAT FIRMINUS DIDOT

REGIS ET GALLICARUM ACADEMIARUM TYPOGRAPHUS.

PARS TERTIA

SIVE

OPERA TRAGICA

QUÆ AD PARISINOS CODICES NONDUM COLLATOS

RECENSUIT

NOVISQUE COMMENTARIIS ILLUSTRAVIT

J. PIERROT

IN LUDOVICI MAGNI COLLEGIO RHETORICES PROFESSOR, NECNON IN ACADEMIA

PARISIENSI ELOQUENTIE PROFESSOR VICARIUS

[merged small][graphic][merged small][merged small][merged small][merged small][merged small]
[blocks in formation]

PRÆFATIO NOVI EDITORIS.

QUUM ad hoc exigendum Bibliothecæ Latinæ mo

numentum, quantulumcumque, adminiculi allaturus, quondam accessi, quo nostra Gallia, externæ philologiæ dudum mancipata, ab erubescendo vectigali sese vindicatura tandem aliquando videbatur, tragoedias Seneca (tertiam, pro divisione quæ instituta est, omnium quæ sub ipsius nomine circumferuntur operum partem) ex integro recensendas et perpetua annotatione illustrandas ultro libensque suscepi; non ut quæ inter præcipua antiquæ artis miracula numerentur, aut per se dignæ sint, quibus scrutandis multum studii et operæ exsudetur; sed forte tunc temporis iis potissimum expendendis intentus, quæ ad dramatica artis historiam pertinerent, non a consilio meo alienum existimavi, si hunc scriptorem evolverem pernosceremque, in quo omnia continentur latinæ tragœdiæ specimina, et qui inter antiquæ Græciæ ac recentioris ævi tragicos medius et quasi conterminus, utrosque imitatione aut saltem argumentorum similitudine contingit. Nec spernendus omnino ipse videbatur licet enim tragoedias suas prave contexuerit, dramatis rudis artifex; licet Romanorum potius quam Græcorum mores in fabulis ex historia Græca desumptis plerumque effinxerit; licet, in exprimendis affectibus, frigida et declamatoria amplificatione evaI. Senec. pars tertia.

a

gari soleat, inflataque et turgida pro magnis et excelsis sæpius adhibeat, Hispanæ memor magniloquentiæ et stoica superbiæ tenax; attamen multa passim elucent vel sincera et incorrupta sententiarum magnitudine, vel pressa et splendida dicendi brevitate insignia. Rhetor potius quam vates, sed in proferendis sapientia oraculis interdum eloquentissimus; inani profluentia tardus et implicatus, sed acutus idem et quandoque sublimis, is est Annæus noster, quem ut omnino admirari non sani sit judicii, ita nihili æstimare iniquius sit et fastidiosius. Qui nescit in Seneca præclara quædam et elata laudare, non dignus est qui Virgilii et Horatii meliore ingenio fruatur.

Ut cœpi mecum agitare quibus præsertim curis novam hanc latinarum tragoediarum editionem commendare eniterer, tria statim reputanti occurrerunt, quibus efficiendis si quid est in me facultatis impenderem; nempe, ut 1° textus recensionem omnium Parisiensium, qui nondum explorati sunt, manu scriptorum codicum collatione adjuvarem, necnon præcipuas in consilium vocarem editiones, quæ sive apud nos, sive apud externos, ab inventa typographia, prodierunt; 2° notis instrueretur opus, quibus tum sententiarum expediretur connexio, et ipsæ per se sententiæ interpretatione non carerent, tum omnia explanarentur ad antiquitates, ad mythologiam, ad geographiam, ad latini denique sermonis usum pertinentia; 3° colligerentur et proferrentur

« PrécédentContinuer »