moult joyeux de sa venue et des autres sieurs estans avec luy, et qu'ils fussent les très-bien venus, et autres belles, bonnes et douces paroles; faisant tous les dessusdits, de la part de mondit sieur l'archiduc, grandes révérences et honneurs à mondit sieur le chancelier, et grand accueil à mes autres sieurs de sa compagnie; desquelles choses mon dit sieur le chancelier mercia honorablement mondit sieur l'archiduc et lesdits sieurs qui estoient illec venus de sa part. Et tost après se meirent d'une part et d'autre ensemblément à chemin pour aller en ladite cité. Et comme toute la compagnie fut à l'entrée des faux-bourgs d'icelle cité, mondit sieur le chancelier fut rencontré et abordé de mon.. dit sieur l'archiduc, lequel, pour le recevoir et venir au devant, s'estoit party de cheval de l'abbaye de Saint-Vas en la ville d'Arras, et passé toute ladite ville et cité, où il y a chemin. Et incontinent que mondit sieur l'archiduc, accompagné de grand nombre, tant chevaliers de son ordre qu'escuyers et autres officiers de sa maison, qui tous estoient en rang d'une part et d'autre, pour faire chemin et place à mondit sieur le chancelier et ceux de sa compagnie, apperceut mondit sieur le chancelier, mist la main au bonnet du tout descouvrant, et fit marcher sa mulle con tre mondit sieur le chancelier, lequel il embrassa, ayant tousjours le bonnet hors la teste, luy dist qu'il fust le bienvenu, en luy demandant en ceste manière: Comment se porte monsieur le Roy? A quoy mondit sieur le chancelier respondit: que très-bien, graces à Dieu, comme il avoit intention de plus amplement luy dire. Semblablement fist mondit sieur l'archiduc à messieurs de Ravestain et de la Grutuze grand accueil, et salua gracieusement mesdits sieurs des requestes et gens du conseil du Roy. Et, après plusieurs gracieuses paroles et contenances que tenoit mondit sieur l'archiduc à messieurs le Chancelier et de Raves en soy tain, ayant toujours iceluy mondit sieur l'archiduc son bonnet en sa main, sans soy vouloir couvrir, sinon qu'aussi mondit sieur le chancelier se couvrist, mondit sieur l'archiduc et mondit sieur le chancelier se meirent eux deux ensemble pour entrer en ladite cité, mondit sieur le chancelier tousjours à dextre, et chevauchant au devant d'eux, ledit huissier dudit grand conseil, tenant sadite masse haute et descouverte; et ledit chauffe-cire ayant le scel du Roy sur son dos, comme il est de coutume quand mondit sieur chancelier chevauche par le royaume, et deux rois d'armes en leur ordre, sans ce qu'entre mesdits sieurs l'archiduc et chancelier y eust autre. Quelle chose estoit et fut bien regardée, tant par lesdits gens et officiers de mondit sieur l'archiduc que par le peuple, dont y avoit grand nombre, tant de dehors la cité que dedans, illec venus pour voir l'entrée. Et mena et conduit mondít sieur l'archiduc, mondit sieur le chancelier tousjours parlant à luy en soy souvent descouvrant, sans ce qu'il se couvrist que mondit sieur le chancelier ne fust aussi tost couvert, jusques à l'entrée du cloistre de la grande église; voulant mondit sieur l'archiduc à toute force le mener jusques en la maison épiscopale, en laquelle mondit sieur le chancelier a toujours esté logé; ne les requestes et prières que mondit sieur le chancelier luy fist de soy contenter de tant luy en avoir fait pour l'honneur du Roy. Et sur ces paroles se départit mondit sieur l'archiduc de mondit sieur le chancelier, s'en alla en la ville d'Arras en sondit logís de Sainct-Vas, et mondit sieur le chancelier en ladite maison épiscopale, accompagné de mondit sieur le comte de Nassau, et autres grands personnages de la maison de mondit sieur l'archiduc; et après, chacun de la compagnie et bande de mondit sieur le chancelier s'en alla ou logis qui luy estoit ordonné. Et après plusieurs allées et venues, qui par lesdits messire Thomas de Pleures, comte Nassau, le sieur de Mont-Labais, et autres officiers de mondit sieur l'archiduc, durant les jours du lundy, mardy, mercredy et jeudy ensuivant, premier, second, tiers et quart de cedit présent mois de juillet, furent faites par devers mondit sieur le chancelier; en son dit logis, pour traitter et conclure sur aucunes matières, poincts et articles mis avant par ledit procureur-général du Roy, nostredit sieur en sa cour du parlement. Et lesdites matières prinses fin, fut, le dit jour de jeudy, requis par les dessusdits officiers de mondit sieur l'archiduc à mondit sieur le chancelier, soy vouloit disposer à la réception de l'hommage que mondit sieur l'archiduc estoit tenu faire au Roy, pour raison des paírrie et comté de Flandres, et semblablement des comtez d'Arthois et de Charrolois, et autres terres tenues et mouvans du Roy, nostre dit sieur à cause de sa couronne; et pour se faire, assigner jour et heure à mondit sieur l'archiduc, à fin de venir devers luy à faire son devoir. Lequel mondit- sieur le chancelier fit response, que le lendemain, qui estoit vendredy, et cinquième jour dudit mois, fust à neuf on dix heures du matin, îl seroit prest de le recevoir; lesquels jour et heure feurent acceptées par lesdits officiers de mondit sieur l'archiduc. A ceste intention, mondit sieur le chancelier òrdonna pour ce faire, lieu et place en la seconde salle de sondit logis, laquelle estoit bien tapissée, et ladité placé estre haulsée comme de deux marches, et y estre mise uné chaire parée et couverte de fleurs de lys, en laquelle il seroit assis durant ladite réception, et les paroles que seroient à proférer touchant ledit hommage, ce qui fut fait. Et ledit jour de vendredy, comme heure dix heures du matin, mondit sieur le chancelier, estant en sa chambre, accompagné de mesdits sieurs desdites requestes de l'hos tel, gens de conseil, du baillif d'Amiens, et autres dessus nommez, luy fut venu dire, par ledit maistre Thomas de Pleures, et autres officiers de mondit sieur l'archiduc, que mondit sieur l'archiduc estoit party de son logis, s'en venoit devers luy pour faire ledit hommage, et qu'il se voulsist disposer et mettre en lieu pour iceluy recevoir. A quoy monsieur le chancelier fist response, que si tost que mondit sieur seroit venu au lieu ordonné pour iceluy recevoir, à faire ledit hommage, qu'il estoit et seroit prest. Et par deux autres fois vindrent encore autres desdits officiers, tant chambellans que secrétaires de mondit sieur l'archiduc, la première fois dire à mondit sieur le chancelier comme mondit sieur l'archiduc estoit en la première salle qui joint à la seconde. Le quel mondit sieur le chancelier pource ne se meut. Et à la deuxième fois, pource qu'iceux officiers affirmoient mondit sieur l'archiduc estre entré en la seconde salle, comme il estoit vray, et aussi que mondit sieur de la Grutuze et messire Robert de Framezelles, chambellan du Roy, lesquels et mondit sieur de Ravestain avoient accompagné mondit sieur l'archiduc depuis son logis jusques en ladite seconde salle, vindrent dire à mondit sieur le chancelier, que mondit sieur l'archiduc estoit en icelle seconde salle, et jà au propre lieu et place appareillez pour ledit hommage. Lors mondit sieur le chancelier, vestu d'une robbe de veloux cramoisy, son chapeau en sa teste, se partit de sadite chambre, laquelle joignoit à ladite salle, en la manière qui s'ensuit : c'est à sçavoir, ayant au-devant de luy ledit huissier dudit grand conseil, portant sadite masse descouverte et haute, qui à haute voix disoit et crioit,si tost qu'il fut hors d'icelle chambre et entré icelle seconde salle, pource qu'en icelle y avoit si grand nombre de gens, tant des gens et officiers de mondit sieur l'archiduc qu'autres, qu'à peine se pouvoit l'on tourner, ces mots par trois ou quatre fois : Devant, devant, faites place. Et après ledit huissier alloient lesdits deux rois d'armes du Roy nostre dit sieur, vestus desdites cottes d'armes dudit sieur, puis marchoit mondit sieur le chancelier, et après luy messieurs des requestes dudit grand conseil, et notaires et secrétaires du Roy nostredit sieur, avec lesquels j'estois. Et pource que mondit sieur le chancelier m'avoit ordonné auparavant son partement d'icelle chambre, me mettre en lieu et place pour estre présent à ladite réception dudit hommage, ouïr les paroles tant de luy que de mondit sieur l'archiduc, qui y seroient dites et proférées par eux deux, et prendre le commandement des lettres à ce nécessaires, je m'avançay pour ce faire. Et est à sçavoir qu'ainsi que mondit sieur le chancelier approcha de la chaire où il devoit se seoir, mondit sieur l'archiduc, qui auprès d'icelle estoit attendant mondit sieur le chancelier, osta incontinent le bonnet de sa teste, en disant à mondit sieur le chancelier ces mots : Monsieur, Dieu vous doint bon jour»; et ce en disant baissa fort sa teste, et mondit sieur le chancelier, sans rien proférer, ne dire mot, mist seulement la main à son chapeau, qu'il avoit en sa teste, sans autrement iceluy oster, puis s'assist en sadite chaire, et incontinent l'un desdits rois d'armes, ainsi qu'ordonné luy avoit esté par mondit sieur le chancelier, cria à haute voix par trois fois «Faites paix.» Cela fait, mondit sieur l'archiduc, teste nuë, se présenta à mondit sieur le chancelier pour faire sondit hommage, disant : «Monsieur, je suis icy venu devers vous pour faire l'hommage que tenu suis faire à › monsieur le Roy, touchant mes pairrie et comtez de › Flandre, d'Arthois et de Charrolois, lesquelles tiens de » monsieur le Roy à cause de sa couronne.» Lors mondit sieur le chancelier, ainsi assis qu'il estoit en sa dite chaire, et tout couvert de bonnet et chapeau, luy demanda s'il |