reconnois, aduouë et confesse pour legitimement atteinte et conuaincuë du crime de leze-Maiesté diuine, et coulpable de la mort et passion de IesusChrist, à raison des pechez que i'ay commis, pour lesquels il est mort et a souffert le tourment de la croix, si que ie suis digne par consequent, d'estre à iamais perdue et damnée. Mais me retournant deuers le throsne de l'infinie misericorde de ce mesme Dieu eternel, aprés auoir detesté de tout mon cœur et de toutes mes forces les iniquitez de ma vie passée, ie demande et requiers humblement grace et pardon et mercy, auec entiere absolution de mon crime, en vertu de la mort et passion de ce mesme Seigneur et Redempteur de mon ame, sur laquelle m'appuyant comme sur l'vnique fondement de mon esperance, i'aduouë derechef, et renouuelle la sacrée pro fession de la fidelité faite de ma part à mon Dieu en mon Baptesme, renonçant au Diable, au monde, et à la chair; detestant leurs mal-heureuses suggestions, vanitez et concupiscences, pour tout le temps de ma vie presente, et de toute l'eternité; et me conuertissant à mon Dieu debonnaire et pitoyable, ie desire, propose, delibere, et me resous irreuocablement de le seruir et aymer maiutenant et eternellement, luy donnant à ses fins, dediant et consacrant mon esprit auec toutes ses facultez, mon ame auec toutes ses puissances, cœur auec toutes ses affections, mon corps auec tous ses sens; protestant de ne iamais plus abuser d'aucune partie de mon estre contre sa diuine volonté, et souueraine Maiesté, à laquelle ie me sacrifie et immole en esprit, pour luy estre à iamais loyale, obeissante et fidelle creature, sans que ie vueille onc mon chose ques m'en desdire ny repentir. Mais helas! si par suggestion de l'ennemy, ou par quelque infirmité humaine, il m'arriuoit de contreuenir en quelconque à cette mienne resolution et consecration, ie proteste dés maintenant, et me propose moyennant la grace du S. Esprit de m'en releuer si tost que ie m'en apperceueray, me conuertissant derechef à la misericorde diuine sans retardation, ny dilation quelconque. Cecy est ma volonté, mon intention, et ma resolution inuiolable et irreuocable, laquelle i'aduouë et confirme sans reserue ni exception, en la mesme presence sacrée de mon Dieu, et à la veuë de l'Eglise triomphante, et en la face de l'Eglise militante ma mere qui entend cette mienne declaration, en la personne de celuy qui comme officier d'icelle m'escoute en cette action. Plaise vous, ô mon Dieu eternel, tout-puissant et tout bon, Pere, Fils, et S. Esprit, confirmer en moy cette resolution, et accepter ce mien office cordial et interieur en odeur de suauité. Et comme il vous a plu me donner l'inspiration et volonté de le faire, donnez-moy aussi la force et la grace requise pour le parfaire. O mon Dieu, vous estes mon Dieu, Dieu de mon cœur, Dieu de mon ame, Dieu de mon esprit, ainsi ie vous recognois et adore maintenant, et pour toute l'eternité. Viue IESVS. CHAPITRE XXI. ' CONCLVSION POVR CETTE PREMIERE PVRGATION. gette protestation faite, soyez attentiue, et ouurez les oreilles de vostre coeur, pour oüyr en esprit la parole de vostre absolution, que le Sauueur mesme de vostre ame, assis sur le throsne de sa misericorde, prononcera là haut au Ciel deuant tous les Anges et les Saincts, à mesme temps qu'en son nom le Prestre vous absout icy bas en terre. Si que toute cette troupe des bien-heureux se resiouïssant de vostre bonheur, chantera le Cantique spirituel d'vne allegresse nompareille, et tous donneront le baiser |