POEMATA.

HYMENEAL

ON THE MARRIAGE OF HIS ROYAL HIGHNESS THE

PRINCE OF WALES'.

IGNARÆ nostrûm mentes, et inertia corda,
Dum curas regum, et sortem miseramur iniquam,
Quæ solio affixit, vetuitque calescere flamma
Dulci, quæ dono divum, gratissima serpit
Viscera per, mollesque animis lene implicatæstus;
Nec teneros sensus, Veneris nec præmia nôrunt,
Eloquiumve oculi, aut facunda silentia linguæ:

Scilicet ignorant lacrymas, sævosque dolores, Dura rudimenta, et violentiæ exordia flammæ; Scilicet ignorant, quæ flumine tinxit amaro Tela Venus, cæcique armamentaria Divi, [nus; Irasque, insidiasque, et tacitum sub pectore vulNamque sub ingressu, primoque in limine Amoris Luctus et ultrices posuere cubilia Curæ; Intus habent dulces Risus, et Gratiæ sedem, Et roseis resupina toris, roseo ore Voluptas : Regibus huc faciles aditus; communia spernunt Ostia, jamque expers duris custodibus istis Panditur accessus penetraliaque intima Templi. · Printed in the Cambridge collection.

Tuque Oh! Angliacis, Princeps, spes optima

regnis, Ne tantum, ne finge metum; quid imagine captus Hæres, et mentem pictura pascis inani ? Umbram miraris : nec longum tempus, et ipsa Ibit in amplexus, thalamosque ornabit ovantes. Ille tamen tabulis inhians longum haurit amorem, Affatu fruitur tacito, auscultatque tacentem Immemor artificis calami, risumque, ruboremque Aspicit in fucis, pictæque in virginis ore: Tanta Venus potuit; tantus tenet error amantes.

Nascere, magna Dies, qua sese Augusta Bri

tanno Committat Pelago, patriamque relinquat amanam; Cujus in adventum jam nunc tria regna secundos Attolli in plausus, dulcique accensa furore Incipiunt agitare modos, et carmina dicunt; Ipse animo sedenim juvenis comitatur euntem Explorat ventos, atque auribus aëra captat, Atque auras, atque astra vocat crudelia; pectus Intentum exultat, surgitque arrecta cupido; Incusat spes ægra fretum, solitoque videtur Latior effundi pontus, fluctusque morantes.

Nascere, Lux major, qua sese Augusta Britanno Committat juveni totam, propriamque dicabit; At citius (precor) Oh! cedas melioribus astris: Nox finem pompæ, finemque imponere curis Possit, et in thalamos furtim deducere nuptam; Sufficiat requiemque viris, et amantibus umbras: Adsit Hymen, et subridens cum matre Cupido Accedant,sternantque toros, ignemque ministrent; Ilicet haud pictæ incandescit imaginæ formæ Ulterius juvenis, verumque agnoscit amorem.

Sculptile sicut ebur, faciemque arsisse venustam Pygmaliona canunt: ante hanc suspiria ducit, Alloquiturque amens, flammamque et vulnera

narrat: Implorata Venus jussit cum vivere signum, Fæminæam inspirans animam; quæ gaudia sur

gunt, Audiit ut primæ nascentia murmura linguæ, Luctari in vitam, et paulatim volvere ocellos Sedulus, aspexitque nova splendescere flamma; Corripit amplexu vivam, jamque oscula jungit Acria confestim, recipitque rapitque; prioris Immemor ardoris, Nymphæque oblitus eburnæ.

Tho. GRAY, Pet. Coll.

SAPPHIC ODE.

To Mr. West'.
BARBARAS ædes aditure mecum
Quas Eris semper fovet inquieta,
Lis ubi latè sonat, et togatum

Æstuat agmen!
Dulcius quanto, patulis sub ulmi
Hospitæ ramis temerè jacentem
Sic libris horas, tenuique inertes

Fallere Musâ ?
Sæpe enim curis vagor expedità
Mente; dum, blandam meditans Camænam,
Vix malo rori, meminive seræ

Cedere nocti; Mr. Mason considered this as the first original production of Mr. Gray's Muse; because verses imposed, either by schoolmasters or tutors, ought not to be taken into the consideration.

Et, pedes quò me rapiunt, in omni
Colle Parnassum videor videre
Fertilem sylvæ, gelidamque in omni

Fonte Aganippen.

Risit et Ver me, facilesque Nymphæ
Nare captantem, nec ineleganti,
Manè quicquid de violis eundo

Surripit aura :

Me reclinatum teneram

per

herbam: Quà leves cursus aqua cunque ducit, Et moras dulci strepitu lapillo

Nectit in omni.

Hæ novo nostrum ferè pectus anno
Simplices curæ tenuere, coelum
Quamdiù sudum explicuit Favoni

Purior hora:

Otia et campos nec adhuc relinquo,
Nec magis Phæbo Clytie fidelis;
(Ingruant venti licet, et senescat

Mollior æstas).

Namque, seu,

lætos hominum labores Prataque et montes recreante curru, Purpurâ tractus oriens Eoos

Vestit, et auro;

Sedulus servo veneratus orbem
Prodigum splendoris: amæniori
Sive dilectam meditatur igne

Pingere Calpen;

Usque dum, fulgore magìs magis jam
Languido circum, variata nubes
Labitur furtim, viridisque in umbras

Scena recessit.

0 ego felix, vice si (nec unquam Surgerem rursus) simili cadentem Parca me lenis sineret quieto

Fallere Letho!

Multa flagranti radiisque cincto
Integris ah! quam nihil inviderem,
Cum Dei ardentes medius quadrigas

Sentit Olympus?

ALCAIC FRAGMENT.

O LACHRYMARUM fons, tenero sacros
Ducentium ortus ex animo; quater

Felix! in imo qui scatentem
Pectore te, pia Nympha, sensit.

LINES ADDRESSED TO MR. WEST,

FROM GENOA.

HORRIDOS tractus, Boreæque linquens
Regna Taurini fera, molliorem
Advehor brumam, Genuæque amantes

Littora soles.