quelle ils trouvèent ouverte et noz soldatz prest à les soustenir, où le combat fut long et opiniastre. Mais finalement ilz en furent vivement repoulsez jusques hors le pont, dont ilz ne se contentèrent; mais, ayant amené deux canons sur bord du diet pont qui donnoit droict dans la porte, et offensèrent grandement roz gens, et aussi une plate forme qui donnoit à plomb dedans eux, recommancèrent encore un coup au combat, d'une grande furie, dont ils ne furent moins vivement et furieusement repoulsez, de sorte qu'ilz perdirent plus de deux centz hommes des plus braves qu'ilz eussent; et en dépit de eux noz gens fermèrent la porte, ce qui les meit en tel désespoir et frayeur, qu'après s'estre veuz chassez du dict chasteau feirent supplier mon dict sieur de Guise les recevoir à composition.

Et, pour en proposer les conditions, feurent, le lendemain au matin, deux des principaux de la dicte ville, qui les demandoient fort grosses et advantageuses; mais finalement ilz se sont accordez de les recevoir telle que s'ensuit :

Qu'ilz auroient la vie sauve, sans qu'aux personnes des hommes, femmes, filles et enfans il soit faict force ne aucun desplaisir. Se retireront les habitans de la dicte ville, la part que bon leur semblera, soit en Angleterre ou en Flandres, avec leurs passeports, nécessaires à la seureté de leur conduicte et passage, demourant seulement cinquante personnes prisonnières de guerre, telz que mon dict sieur de Guise vouldra choisir; et quant aux gens de guerre seront tenuz passer en Angleterre.

Laisseront l'artillerie, pouldres, boulletz, armes, enseignes et généralement toutes munitions, tant de guerre que de vivres, en la dicte ville, sans en rompre, brusler, cacher, ny aucune chose endommager.

Ne feront semblablement aucun dommage à la dicte ville, ne remueront terre, artillerie ne autres munitions quelconques pour sa deffense et seureté d'icelle, mais laisseront le tout en l'estat qu'il estoit lors de la présente capitulation.

Quant à leur or et argent, monnoyé et non monnoyé, biens, meubles, marchandises et cheveaux, le tout demourra à discrétion de mon dict sieur de Guise, pour en disposer ainsi que bon lui semblera.

整

Suyvant la dicte capitulation, le huictiesme de ce mois mon dict sieur du Guise commença à faire sortir et mettre hors la dicte ville une grande partie du dict peuple; et le lendemain le reste fut renvoyé, ainsi qu'il leur avoit promis, sans aucun dommage ne déplaisir, n'estant demouré un seul Anglois dans la dicte ville, mais bien une incroyable quantité de pouldres, artillerie et munitions, laynes et vivres, qui ont esté réservez, et le surplus donné en proye aux soldatz, où il se trouve qu'ilz ont gaigné un grand butin.

b.

Pendant ces entrefaictes l'armée n'a point perdu d'un autre costé temps, ayant couru toute la terre d'Oye et icelle entièrement remise en l'obéissance du Roy, ensemble tous les forts qui y sont, horsmis Guines et Hames; et n'y a fort où il ne se soit trouvé bon nombre d'artillerie, de sorte qu'il se peut dire en avoir esté gaigné en ceste conqueste plus de trois cents grosses pièces; le dit pays d'Oye fort plain de vivres, pour nourrir la dicte armée du Roy plus de trois mois, encore qu'elle soit de bien trente mille hommes de pied et de six à sept mille chevaulx.

Oultre, le dict seigneur, pour donner plus de faveur à son entreprise, avoit envoyé quelques vaisseaux de Nor mandie à la dicte cotte de Calais, lesquelz, de fortune, à l'arrivér rencontrèrent deux ou trois vaisseaulx d'enne

..

mys, chargés de soye et autres riches marchandises, qu'ilz combatirent et prindrent, et si amusèrent de sorte qu'ilz laissèrent le chemin à beaucoup d'aultres vaisseaux qui estoyent dans le dict port de Calais; les quelz, à l'arriver de l'armée devant la dicte ville, feirent voille à la première marée, et se sauvèrent avant la prinse du dict fort de Risbanc; si est-ce qu'il y en demoura encores, et encores, et infinies barques où les soldatz ont faict un grand butin.

FIN.

Imprimé à Tours par Jehan Rousset, imprimeur et libraire, humble et obéissant serviteur du Roy nostre sire et du sang royal et de messieurs de Guise.

DISCOVRS

DV GRAND ET

MAGNIFIQVE

TRIVM

phe faict au mariage de tresnoble et magnifique Prince François de Vallois Roy-Dauphin, filz aisné du treschrestien Roy de France Henry ij. du nom, et de treshaulte et vertueuse Princesse madame Marie d'Estreuart Roine d'Escosse.

Auec Priuilege.

A PARIS,

Par Annet Briere, en la rue des Porées,

à l'enseigne sainct Sébastien.

1 5 5 8.