sonné l'innocent et troisième Helie (1), lequel, ce pauvre Roy, s'estoit proposé, et par serment, faire et voir brusler de ses yeux propres avant que partir de Paris? Que sont devenus ses yeux? que leur a faict la main de Dieu ? Or, vous tous qui aimez et craignez le Tout-Puissant, je sçay que le sçavez et voyez clairement. Aussi veux-je croire que les meschants qui sont causé de l'estrange mort de ce Roy, le sentent par force, comme bien a faict Pharaon la cause des playes d'Egypte et la mort de son premier né, Saül la preudhommie de David, en le poursuyvaut à mort. Madame et ma princesse, pour laquelle je diroye volontiers à Dieu comme Moïse : « Efface-moy du livre de vie, ou luy pardonne et la rappelle à toy; » et avec Paul: «Je désire estre anathématizé pour le salut de ma Royne, ne vous » doibt la veue et la vie ainsi estaincte de ce Roy donner occasion de vous relever, convertir et retourner de tout vostre cueur à Dieu, tant prompt à pardonner que sa miséricorde surpasse la hauteur des cieux, et de veoir vivement et plus clairement qu'en plein midi la cause de tel et si horrible malheur. Ne répugnez à la veoir ; je vous la monstre à l'œil et au doigt, comme au commencement de ma lettre vous ay promis; et s'il y a en vous encore quelque estincelle de clarté, la vérité vous descouvre le faict, ainsi que, par la miséricorde divine, elle a faict à moy. Madame, levezet baillez les mains à Dieu, et il vous relèvera; allez hardiment à luy, il brame (2) après vostre pauvre ame, pour laquelle il n'a espargné son précieux sang; allez, vous dy-je, hardiment, car son propre est de pardonner. Faites-luy sacrifice de repentance et de louanges, reprenant en usage ces beaux psalmes . Davidiques, dont jadis vous réfrigériez vostre espritangoissé et pour lesquels il vous béneiet en génération; ils vous sont maintenant duysibles et nécessaires plus qu'ils ne furent oncques, avec la quotidiane ouye ou lecture de la parolle de Dieu. Que vos lèvres soyent les veaux et vos larmes et souspirs les bonnes odeurs et parfums; il essuyera vos yeux et resjouira vostre cucur, restablira vostre force perdue, vous embrassera et baisera du baiser de sa bouche, qui est le baiser de paix, asseurance et repos en luy. Madame, voyez, allez; ne répugnez; ne permettez et souffrez que ce serpent, diable rouge et ses adhérans, mettent la main au-devant, jettent sur vostre face le voile de l'athéisme dont ils font profession, jusques à avoir dit que la loy de Jésus-Christ, pure et en sa simplicité apostolique, est la loy des bélistres, d'autant qu'elle combat à la ruine et totalle destruction de leur ambition, et contrarie à toutes les iniques entreprises qu'ils font, pour faire plus grands qu'ils ne sont, au détriment et dommage de leurs prochains gens de bien. Madame, séparez et eslɔignez de vous de tels monstres estranges; n'endurez que eux qui ne sont de la maison et qui n'ont point de part en l'héritage, occupent par dol et violence la puissance du Roy et de vous, et, soubs le manteau et soubs les noms dudict seigneur et de vous, ils sacca. gent et meurtrissent les enfans et légitimes peuples du royaume: aillent ainsi reculants et affoiblissants, et mettants comme soubs le pied, les princes et le sang de ceste couronne. Brief, il est partout commun et vulgaire que ce serpent, cardinal qui, par ses arrogances et audaces dommageables et trop souffertes, se monstre assis sur le throne lilial, vestu et paré d'énorme cruauté, tient les moyens, tant qu'il peut, de frauder le Roy et la France de juste lignée et vrais héritiers. Ha! madame, pensez, pensez à vous qui portez le nom de Royne mère; soyez-la donques bons et louables effects; tirez-vous, tirez le Roy de telle captivité et dangereux inconvénient. Ne faites pas par potr que, par crainte, négligence ou stupidité, soyez dicte (en=" core qu'il n'en fust rien) consentante à tel mal, et que la chronique future du Roy et de vous soit brute, obscure et noire; et que ce Guysard mette soubs så sépulture : « Je n'ay point esté Roy, mais j'ay bien aimé à faire des Roys et leur commander. » Gardez, madame, gardez le droict à vos entrailles, messeigneurs vos enfans, d'Orléans ; d'Angou lesme et d'Anjou, qu'on ne usurpe rien sur eux par fraude, que tout allle seurement selon l'eslection de Dieu; les prin ces du sang, qui sont leurs meilleurs et plus grans servi» teurs, vous soyent en honneur. Finablement, madame ;: pensez que mon dire c'est le dire du prophète ; que; si vous ne le faites, vous verrez advenir en ce royaume tant de malheurs sur malheurs ( et n'est possible qu'il se face autrement ) que serons contrains avec vous, ne trouvañs plus rémède au mal, de désirer, appeller et crier : Mørt, venez à nous! et elle nous fuira; crier: Montaignes, chéez sur nous, terré, ouvrez-vous pour nous cacher; pour nous cacher, ay-je, du jugement du Dieu vivant, qui s'est réservé la vengeance et la fait redemandant le sang de son petit et foible troupeau. Madame, Dieu vous préserve de telle chose, vous face la grace de vous délivrer de ces mauvais et malins esprits 7 vous envoye le sien vrayement principal ; et que de vous il découte au cueur de nostre Roy, vostre aimé fils, luy donnan ses jugemens pour régnier, le zèle; amour et erainte de son sainct nom, comme avoit le Roy Jozias, parell d'aage; vous conserve ensemble avec messeigneurs vos enfans; jusques en vie éternelle, à la joye et liesse de tout le bon et chrestien peuple françois. Amen. De vostre pauvre maison, ce 26' d'aoust Vostre très-humblo ant Les toute D. V. MÉLANGES POUR L'HISTOIRE DE FRANÇOIS PREMIER ET DE HENRI II. Extraits des histoires admirables et mémorables de nostre temps, par Simon Goulard. Extraits du choix d'histoires mémorables, par Adrien de Bouflers. Quittance d'Isidore Bontemps, sculpteur du Roi Henri II. Extraits des registres et croniques du bureau de l'Hôtel-de-Ville de |