LES PERSONNAGES. VRANIE. ELISE. CLIMENE. GALOPIN, Laquais. LE MARQVIS. DORANTE, ou le Cheualier. LYSIDAS, Poëte. Vrayment voila qui m'étonne, que nous ayons efté feules, l'vne & l'autre, tout aujourd'huy. ELISE. Cela m'eftonne auffi; car ce n'eft gueres noftre coûtume, & vostre maison, Dieu mercy, eft le refuge ordinaire de tous les Faineans de la Cour. VRANIE. L'apref-dinée, à dire vray, m'a semblé fort longue. ELISE. Et moy ie l'ay trouuée fort courte. VRANIE. C'eft que les beaux efprits, Coufine, ayment la folitude. ELISE. Ah! tres-humble feruante au bel efprit, vous fçauez que ce n'est pas là que ie vise. VRANIE. Pour moy i'ayme la compagnie, ie l'auouë. ELISE. Ie l'ayme auffi; mais ie l'ayme choifie, & la quantité des fottes vifites qu'il vous faut effuyer parmy les autres, est cause bien fouuent que ie rens plaifir d'eftre feule. VRANIE. La delicateffe eft trop grande, de ne pouuoir fouffrir que des gens triez. ELISE. Et la complaifance eft trop generale, de fouffrir indifferemment toutes fortes de perfonnes. VRANIE. Ie goufte ceux qui font raisonnables, & me diuertis des extrauagans. ELISE. Ma foy, les extrauagans ne vont gueres loin fans vous ennuyer, & la plus-part de ces gens là ne font plus plaifans dés la feconde vifite. Mais à propos d'extrauagans, ne voulez-vous pas me défaire de vostre Marquis incommode? pensezvous me le laiffer toûjours fur les bras, & que ie puiffe durer à fes turlupinades perpetuelles? VRANIE. Ce langage est à la mode, & l'on le tourne en plaifanterie à la Cour. ELISE. Tant-pis pour ceux qui le font, & qui fe tuent tout le iour à parler ce jargon obfcur. La belle chose de faire entrer aux conuerfations du Louure de vieilles équiuoques ramaffées parmy les bouës des Halles & de la Place Maubert! La jolie façon de plaifanter pour des Courtifans! & qu'vn homme monftre d'efprit lors qu'il vient vous dire; Madame, vous eftes dans la Place Royale, & tout le monde vous voit de trois lieuës de Paris, car chacun vous voit de bon œil; à caufe que Bonneüil eft vn village à trois lieuës d'icy. Cela n'eft-il pas bien galant & bien fpirituel; & ceux qui trouuent ces belles rencontres, n'ont-ils pas lieu de s'en glorifier? VRANIE. On ne dit pas cela auffi, comme vne chofe fpirituelle, & la plus-part de ceux qui affectent ce langage, fçauent bien eux-mefmes qu'il eft ridicule. ELISE. Tant-pis encore, de prendre peine à dire des fottifes, & d'eftre mauuais plaifants de deffein formé. Ie les en tiens moins excufables; &, fi i'en eftois juge, ie fçay bien à quoy ie condamnerois tous ces Meffieurs les Turlupins. VRANIE. Laiffons cette matiere, qui t'échauffe vn peu trop, & difons que Dorante vient bien tard, à mon auis, pour le foûpé que nous deuons faire enfemble. ELISE. Peut-eftre l'a-t'il oublié, & que... SCENE II. GALOPIN, VRANIE, ELISE. GALOPIN. Voila Climene, Madame, qui vient icy pour vous voir. VRANIE. Eh mon Dieu! quelle vifite. ELISE. Vous vous plaigniez d'estre seule, auffi; le Cicl vous en punit. VRANIE. Vifte, qu'on aille dire que ie n'y fuis pas, |