seigneurie sen estoit allee hors du dict Chasteau Neuf. Au dict Naples a quatre chasteaulx tant en mer que en terre ferme, lung se nomme Capoua, lautre Castel Nove qui sied en terre et en mer, et la citadelle joingnant comme basse court, lautre est nomme le Castel de Love, et siet en mer sur ung roch, oultre est ung petit fort ou a une grosse tour nommee Pince Faulcay. Et entre iceulx trois chasteaulx a sur ung roch en mer ung autre fort ou a une grosse tour bien deffensable. Et au dessus de Naples a une abbaye moult forte qui regarde a la ville en maniere de chasteau et est pres des Chartreux. Lundy xxi jour du dict moys le roy a Naples ouyt la messe a lAnunciade et fut ce jour merveilleusement battu la citadelle dartillerie bas et hault. Mardy xxive jour de fevrier le roy ouyt messe a Naples a lAnunciade et ce jour la duchesse de Malsye vint faire hommaige au roy et amena sa fille avec elle. Ce dict jour fut prinse dassault la citadelle qui servoit en maniere de basse court qui estoit forte et puissante, car au cul derrierre avoit devers le chasteau les fosses a fons de cuves, et du coste de la mer nul ny pouvoit aborder et nestoit battable que du coste de la ville et avec le fort de la ville avoit grans boulevars et renforcemens moult fors, toute fois elle fut prinse dassault. En icelle citadelle furent trouves plusieurs biens servans a la guerre comme artillerie faicte et a faire, grosses bombardes comme celles de tous metaulx ou plus grosses. Il y fut trouve grant quantite de plomb, de fer en barre sans ouvrer, aussi Ꭹ fut trouve grant quantite de pouldre, souffre, pouldre de salpestre, de canfre, de charbon de saulx, lances, dars, guisarmes, especs, arbalestres montecs et a monter, arbriers, traicts de toutes sortes ferres, guindaulx, engins de toutes sortes, harnoys blancs complets, heaulmes, sallades de toutes sortes, brigandines, escrevisses, jaques, cordage de toutes sortes pour la mer et pour la terre, cuirassines, corsets, haubergeons, arcs, coulevrines, et il y fut trouve autres cordages et extencilles servans a la guerre sans autre artillerie quils cuyderent brusler, mortier de fin metail, faulcons, venglanes, il y fut trouve tant de biens que de six jours on ne les pouvoit espuiser, homme ne scauroit croire le metail qui y fut trouve ouvre et non ouvre. Le cappitaine du guet estoit ce jour messire Gabriel de Montfaulcon chevalier qui toujours fit bon guet et avec luy estoit Jehan de la Grange et plusieurs autres gens de bien. A cest assault se trouve ung nomme Gentil Garson dict maintenant Provence le quel veoit aucuns des gens du roy montes sur les murailles et tours par les bastures dartillerie et commence a monter et monta jusques au hault et fut le cinquieme monte, nos gens Alemans et autres estoient au dict assault, et avoit vestu le dict Provence une robe de drap dor fourree de letisses que le seigneur des Courtonnois luy avoit donne. Ceulx qui estoient sur les tours du chasteau commencerent a gecler javelines et dars qui ne firent rien, et fut prinse de cest assault, et les Alemans et les Espaignols rembarres dedans le chasteau. Mercredy xxv jour de fevrier le roy ouyt messe a Naples a Anunciade, et apres disner vint au logis de monseigneur de Montpensier et de la accompaigne de tous les seigneurs du sang alla veoir comment la dicte citadelle avoit este assiegee, et ce faict fut advise comment on auroit le dict chasteau, parquoy lartillerie du coste de la citadelle fut assiegee, car autre lieu propre ny avoit. Et la dicte artillerie bien affutee et mise en tel estat quil appartenoit fut tellement et despiteusement battue que tous ceulx qui estoient dedans ou la plus part furent contraints deulx en fuyr et quitter la place, et en sen allant mirent le feu es faulxbourg de la dicte place ou furent detruites plusieurs bonnes maisons. Le lendemain qui fut le jeudy ceulx qui estoient demoures au dict chasteau requirent a parlementer, parquoy lon cessa de tirer artillerie. Et vindrent pour parler a eulx Anguilbert monseigneur de Cleves, monseigneur de Ligny, le baillif de Dijon et le grant escuyer de la royne, les quels demanderent et requirent aux dicts seigneurs que le bon plaisir du roy fut de leur donner vingt et quatre heures de treves, ce qui leur fut accorde. Et le lendemain pour ce qu'ils demanderent sortir leurs bagues saulves rien ne leur fut octroye, et incontinent plus fort que devant commenca la batterie et les approches si mer. veilleusement que cestoit piteuse chose de veoir la ruyne et demolition du chasteau neuf, car la puissance des faulcons, bombardes, canons et serpentines y firent si terrible deluge que tout alloit par terre en pieces et en lopins, par quoy ceulx de dedans voyant quils estoient chasses de si pres chargerent ung mortier puis mirent le feu dedans et vint cheoir tout droit sur la nef de leglise des freres mineurs Cordeliers de 10bservance, et rompit la dicte nef sans faire mal a personne, et si avoit beaucoup de gens en la dicte eglise. La'batterie dura depuis le jeudy jusques au lendemain en suyvant, et ce jour mesme pour ce que le roy fut disner en la maison dung seigneur de la ville de Naples qui estoit assise aupres du lieu ou lartillerie estoit assiegee apres disner les canonniers et bombardiers saichans que le roy estoit pres deulx se parforcerent si tres impetueusement a tyrer et tempester la dicte place du chasteau neuf, et moyennant aussi aucuns gracieux dons dargent que le roi leur envoya affin que ils feissent bon devoir que environ trois heures apres disner ceulx de dedans voyans lenorme batterie que on leur faisoit de toutes pars le roy en propre personne present furent contraints de rechief a parlementer et cessa lartillerie et parla a eulx le conte de Nevers et le baillif de Dijon, et parlerent en aleman, et requirent sortir leurs bagues saulves, et quils fussent payes pour trois moys en servans le roy sil luy plaisoit, ou sauf conduyt pour eulx en aller a leur adventure. Ce parlement dura jusques au mardy 11 jour de mars. Et le lendemain quant les seigneurs vindrent pour scavoir sils se rendroient ou non ils firent response que si le roy Alphonse ne leur venoit donner secours en la dicte place, ou quil vint en si grant puissance quil combattist le roy de France et son armee devant le samedy prochain quils se rendroient, et mettroient les gens du roy au dict chasteau. Et a ce faire baillerent ostaiges, cest a scavoir quatre hommes des plus gens de bien qui fussent entre eulx, par quoy furent les treves continuees jusques au samedy. Et ce jour mesme on avoit amene lartillerie devant ung fort lieu ou avoit une basse court assez forte de muraille et une grosse tour tres forte qui estoit fort nuysible aux Francois, lors les ennemys voyant que leur secours ne venoit point, et que on recommencoit la batterie contre leur place par assault furieux furent contraints de tout habandonner, et se rendirent a la personne du roy, le quel les receut eulx et leurs bagues saulves en laissant lartillerie et les vivres de la dicte place, au quel lieu incontinent mist ses gens et bons cappitaines pour la garder. CHAPITRE XXIII. Comment le roy fist mettre le siege devant le chasteau de Love, lequel fut prins. E mercredy ive jour de mars le roy fist mettre le siege au chasteau de Love quasi vers le point du jour, le quel fut battu dartillerie tant que les pierres tombant en mer tuoient les poissons, et environ cinq heures de vespre ceulx du chasteau demanderent a parlementer, le roy estant present, par quoy leur octroya. Et envoya monseigueur de Foix et monseigneur de Myolan les quels allerent parler a eulx, et rapporterent la responce au soupper du roy au chasteau de deca. En ce jour apres disner la fille de la duchesse de Malsy en la presence de sa mere en ung lieu dict Ponge Real icelle fille avoit ung coursier de Poule et a bride avalee tant quil en pouvoit porter le fist courir et estrader quatre ou cinq longues courses, et ce fait fist contourner, virer, saulter et pen |