corpus colligere, obscura illustrare, nova condere, et sancire, ne ab illis discedatur in posterum.

1. Res sacra, loco, diebus, horisque solitis peragatür.

2. Medicinæ studiosi disputationibus et lectionibus publicis frequenter intersint.

3. Laureæ medicæ candidati stadium medicum biennio conficiant.

4. Medicinæ candidati singulis tantùm bienniis, statoque tempore, examinentur et ad baccalaureatum promoveantur : à baccalaureatu non nisi post biennium in disputationibus publicis exactum, si doctoribus probati fuerint, al licentias admittantur, non sigillatim, sed simul et semel universi, servato tamen, ut moris est, ordine doctrinæ ut hac emulatione ad officium excitentur.

5. Singulis bienniis, die Sabbati calendas Februarias præcedente, medicinæ doctores post rem sacram, in scholas superiores conveniant, à decano per bidellos, comitiorum causâ speciatim definitâ, pridie convocati; et ex præsentibus quatuor eligantur, duo scilicet ex majore ordine, duo ex minore, qui cum decano, tempore quadragesimali, medicinæ candidatos examinent, qui quidem examinatores conceptis verbis jurent, se neminem nisi dignum admissuros.

6. Mense Februario, futurum Martio examen promulgetur, scholæ valvis affixis tabellis, ex decani et facultatis præscripto, et à majori bidello obsignatis.

7. Circa mediam quadragesimam, die Sabbati, post rem sacram, medicinæ candidati habitu convenienti

pro more induti, sistant se in scholis superioribus coram doctoribus, à decano per bidellos pridiè convocatis, ab eisque petant, ut ad examen admittantur. Quibus sigillatim de unâ quæstione breviter interro→ gatis dies dicatur, quo suorum studiorum fidem faciant, antequàm ad examen admittantur.

8. Die verò post meridiem, rursus candidati sistant se eodem in loco coram doctoribus, eisque exhibeant litteras magisterii, quibus constet eo superiore quadriennio in academiâ parisiensi lauream magistralem in artibus seu in philosophiâ esse consecutos, vel in aliâ universitate ante octo annos: item et tabellas ab ordinariis scholæ medicæ professoribus obsignatas, quibus fides fiat, ipsos saltem per quadriennium lectionibus publicis operam dedisse: qui hæc non probabunt, ab examine excludantur liceat ta men decano et facultati hac studij quadriennalis lege solvere solos doctorum medicorum parisiensium filios, et illis unum aut alterum annum indulgere, quos juxta Hippocratis præceptum omni favore et gratiâ excipi par est, dum tamen in academiâ parisiensi sint artium magistri, et examinati ad medicinæ bacealaureatum idonei judicentur.

9. Diebus ab examinatoribus dictis, candidati de rébus naturalibus, non naturalibus, et præter naturam, sigillatim examinentur: sed et cæteris doctoribus præsentibus liceat, si libuerit, candidatos interrogare: postremo examinis die, singulis candidatis ab examinatoribus proponatur unus Hippocratis aphorismus, die sequenti pro more explicandus.

10. Die Sabbato sequenti, doctores post rem sa

cram more solito convocati, auditâ examinatorum renunciatione, candidatos, si modò probati fuerint, ad principium et baccalaureatum admittant, sed præstito priùs ab illis jurejurando: ex quo expungatur caput illud, quo jurabant olim baccalaurei se non esse uxoratos: hos enim ab hoc gradu arceri iniquum esse vi

sum est.

11. Si baccalaureorum numerus sustinendæ scholæ medicæ dignitati par non fuerit, liceat alterum examen aperire sequentibus remigialibus, si modò facultati trinâ convocatione legitimè convocatæ ita visum fuerit: sed id non fiat temerè : hoc autem tempore exacto, candidatis examen non pateat, nisi altero biennio...

12. Mensi Maio vel Junio, die à facultate dicto, novi baccalaurei conveniant, in locum ab eâdem facultate delectum, ibique à singulis doctoribus de re herbariâ examinentur.

13. Novi baccalaurei in disputationibus, commentationibusque domesticis, et lectionibus tam privatis quàm publicis, reliquam æstatem traducant.

14 Hyeme proximâ ex hac domesticâ et umbratili exercitatione quasi in aciem educantur, et à martinalibus ad liberalia, de quæstione quodlibetariâ, singulis hebdomadis, si fieri potest, singuli publicè respondeant.

15. Quod ut diligentiùs perficiatur, ex academiæ et collegii medici fastorum libro expungantur dies festi et profesti, quos veteres legibiles et illegibiles appellabant: ita ut soli pro feriatis habeantur, quis ab ecclesiâ divino cultui publicè dicati, et supra ad finem

reformationis facultatis artium designati sunt, excepto etiam eo toto tempore, paulò post definiendo, quo medici disputationum, lectionumque publicarum cessationem habebunt.

16. A cineralibus ad pervigilium DD. Petri et Pauli apostolorum, baccalaurei singuli de quæstione cardinalitiâ respondeant.

17. A quarto calendas Julias ad idus Septembres, id est, à pervigilio DD. Petri et Pauli apostolorum, ad pervigilium Exaltationis Sanctæ Crucis, disputationum et lectionum publicarum vacatio medicorum collegio concedatur: ita ut ne vesperiarum quidem aut doctoratûs actum liceat hoc tempore celebrare, nisi petitâ veniâ à medicinæ facultate, ad id legitimè convocatâ. Si qui tamen doctores, licentiati, vel baccalaurei hoc vacationis tempore velint docere, hoc liberum illis

esto.

18. Ab idibus Septembris ad calendas Novembris, baccalaurei, qui de quæstione cardinalitiâ non disputaverint, de eâ respondeant.

19. A martinalibus ad liberalia, baccalaurei rursus, singulis hebdomadis, si fieri potest, disputent de quæstione quodlibetariâ.

20. Post cineralia, si quædam quæstiones cardinalitiæ disceptandæ supersint, eis finis imponatur.

21. His omnibus toto biennio ritè peractis, baccalaurei habitu convenienti induti sistant se die dictâ post meridiem in scholis superioribus, coram doctoribus à decano pro more convocatis, ab eisque petant, ut ad examen particulare admittantur.

22. Ad examen particulare admissi singulorum doc

torum domos reverenter adeant, et ab eis de praxi

examinentur.

23. Doctores in scholas superiores, more jam dicto, rursus convocentur judicium laturi; à quibus si baccalaurei probentur, ad licentias admittantur, ad quas memo admittatur, nisi qui de cardinalitiâ quæstione, et de duabus quodlibetariis, aut unâ saltem responderit, et in subselliis baccalaureorum per biennium sedens disputaverit, nisi fortè absentiæ legitimam excusationem attulerit, cujus absentia doctores facultatis, more solito vocati, judices sunto.

24. Si quis inter baccalaureos sederit, qui chirurgiam, aut aliam artem manuariam exercuerit, ad licentias non admittatur, nisi priùs fidem suam astringat publicis notariorum instrumentis, se nunquàm posthàc chirurgiam, aut aliam artem manuariam exerciturum : idque in collegii medici commentariis referatur. Ordinis enim medici dignitatém, puram integramque conservari par est.

25. Ne pauperibus ad medicinæ gradus aditus intercludatur, bursa, pro licentiis et doctoratu facultati debitæ, remittantur eis, qui manifestè pauperes erunt, si alioqui constet, eos doctos et probos esse; eâ conditione, ut polliceantur, et publico instrumento fidem suam astringant, se bursas ipsas persoluturos, cùm ad meliorem fortunam pervenerint.

26. Ad licentias admissi, die lecto à decano, nomine totius collegii medici offerantur academiæ cancellario in ecclesiâ parisiensi, ab illo, cum libuerit, licentias accepturi.

27. Sed antequàm licentiis donentur, novis bacca