fon voyage que de larcins & de facrileges, & que iamais vie ne fut plus longue, ny plus heureufe,, que celle d'Harpalus, qui fut le plus infame de tous les Corfaires. Il fonge que le plus Religieux des Rois de Portugal perit miferablement en Afrique, & que lob mefme, le plus faint de tous les hommes, compta iufques à fa femme & à fes amis, entre les chofes qui penserent venir à bout de fa patience. C'eft pour cette raison qu'il fe confole auec les juftes,& qu'il ne veut rien auoir de commun auec les meschans & les impies; & quand mefme il n'auroit point d'exemples deuant fes yeux, ou dans fa memoire, fa raifon luy fourniroit affez de preceptes, pour luy faire fouffrir toutes chofes, & pour l'obliger de n'en craindre aucune. C'est une veritable grandeur d'auoir la fragilité de l'homme, l'affeurauce d'un Dieu, dit Seneque Mais l'Efcriture s'explique bien d'vne autre forte, quand elle dit, que nous pouuons bien prendre de fa main les afflictions,

les miferes, finous en receuons les beneditions, & les graces. En quelque chemin que l'homme de bien fe treuue, il va toufiours le mefme pas, & tient toufiours la mefme pofture; il ne perd rien de fa grauité, ny de fon courage, & fait voir toufiours la mesme humeur & le mefme efprit. Comme les arbres qui portent l'encens & le baume, ne laiffent pas de conferuer leur odeur, quoy qu'on les faffe fecher, ou quoy qu'on les occupe en

quelque eftat qu'on puifle reduire le Sage, fa vertu ne l'abandonne iamais, quand route la vie ne feroit qu'vne mort continuée. C'ekt de cette vertu qu'il le faut feruir pour fupporter les violences & les iniuftices, & pour s'oppofer genereufement à tous ces malheurs, qui ne nous étonneroient pas dauantage,quand mefmes nous aurions changé de fexe,& que la foibleffe & la lâcheté feroient tout ce que nous aurions receu du Ciel & de la Nature. C'est celle-là mefme auffi que les gens de bien appellent à leur fecours dans leurs difgraces & dans leurs fouffrances; & c'eft elle feule qui fait que nous conduisons le char du triomphe, que le peuple s'imagine qu'on nous fait traifner. Enfin fila trifteffe

la vie font fours d'un mefme ventre, pour me feruir des propres termes d'Euripide, il n'eft pas croyable que l'homme vertueur ait moins d'induftrie que les Muficiens, qui des tons hauts & bas compofent de fi doux accords, & que du mal & du bien il ne faffe vne harmonie toufiours égale qui ne doit pas eftre feulement la caufe de fa reputation & de fon credit, mais encore le principe de fa gloire, & de fon falut.

DE

LA CORR VPTION

A

DV SIECLE.

CHAPITRE. IX.

Voir la corruption du fiecle, il eft bien mal-aifé d'affourer fi nous viuons dans la loy de Grace, ou dans la loy de Nature, il femble que la vertu n'eft plus qu'vne beauté imaginaire, & que fon nom mefme nous fait plus de peur qu'vn fantôme. Iamais on ne fe feruit plus auantageufement de la liberté pour mal faire: La couftume authorise tous les crimes que les loix defendent; & pour treuuer de l'innocence & de la pureté parmy les hommes, il faudroit remonter jufques au premier âge du monde. Le vice eft tellement refpecté, qu'il a par tout des amis & des partifans: Peu s'en faut qu'en fa faucur on ne tombe de l'amour dans l'idolatrie, & qu'on ne luy confacre iufques à nos Temples. Les plus faints d'aujourd'huy ont l'ame noire, & les mains fouillées; leur demotion n'eft pas la moindre de leurs vanités; & s'ils font de bonnes œuures;c'eft plus pour leur propre cftime, que pour leur falut.

Cette verité n'eft pas le fentiment d'a feul homme; ceux qui condamnent & qui ple urent les pechez des autres, la preschent de tous coftez, & fouftiennent hautement que le Soleil n'éclaireroit plus au monde que les beftes, fi Dieu en auoit ofté tous les hommes qu'il y treuueroit coupables. Mais ce qui eft en cecy de plus dangereux & de plus horrible,c'eft que la plufpart cherchent de la reputation dans leurs crimes; ils attendent des louanges de qui merite la rouë & le feu, & viuent auec auffi peu de crainte, que s'il n'y auoit de la feureté que pour les impies. Autrefois il y auoit quelque efpece de merite à cacher fa foibleffe & fon impudepce; l'effronterie mefme ne pechoit que dans les tenebres; & deuant que de faire vne mauuaife action on s'affeuroit d'vne folitude. La Nature auoit imprimé ce respect dans les ames les plus farouches; & les plus opiniâtres treuuoient de la fatisfaction dans l'hypocrifie. Les plus endurcis n'eftoient pas tant retenus par les loix que par la pudeur: ils ne craignoient pas tant le chaftiment que le fcandale; & pour les empefcher quelquefois de faire mal, c'eftoit affez que de les efpier, ou de les reprendre. La honte d'auoir efté découuerts leur eftoit plus fenfible que les geifnes: ils auoient plus d'horreur de leurs tefmoins, qu'ils n'auoient de peur de leurs luges; & s'ils pouuoient eftre condam nez par d'autres oreilles & par d'autres yeux

ils fe condamnoiết à l'heure mefme par leur propre bouche. Quand ils ne pouuoient eftre vertueux, ils eftoient pour le moins secrets; & la moitié de leur vie eftoient inconnuë,de peur qu'on n'adjoûtaft l'infamie à leur defaut, & le reproche à leur repentir. Il n'y a pas jusques aux beftes, qui par vn instinct difcret ne fe cachent, ou ne s'abftiennent quelquefois de certaines chofes : La pluspart ne fe portent à quelques-vnes de celles que la Nature a renduës honteuses, qu'auec autant de frayeur que fi les arrefts s'étendoient jufqu'à leur efpece, & font le mal, s'il faut vfer de ce terme, auffi fecrettement que fi elles eftoient fujettes aux loix, & à la coûtume.Mais les hommes d'aujourd'huy treuuent moins de plaifir à faire vne mauuaife action qu'à s'en vanter? & peut-eftre qu'ils pecheroient moins qu'ils ne pechent, fi tout le monde refufoit de les écouter quand ils fe loüent. Ce n'eft pas affez que le Soleil éclaire leur incontinence,il faut qu'elle faffe l'entretien des meilleures compagnies, & que la mefme éloquence qui trauaille à l'Apologie des Martyrs, & des plus Religieux Empereurs, foit employée à faire des admirateurs de leurs crimes.

On ne reconnoift pas feulement du changement dans les mœurs du fiecle, on en treuue encore dans toutes les langues les plus beaux termes ont efté corrompus auec les plus belles inclinations, & l'imposture & la