qui sont comme agencement et surgeons de l'autre grande oraison, entre lesquelles, la premiere est celle qui se fait le matin, comme une preparation generale à toutes les œuvres de la journée : Or vous la ferez en cette sorte.

1. Remerciez et adorez Dieu profondement, pour la grace qu'il vous a faite, de vous avoir conservé la nuict precedente et si vous aviez en icelle commis quelque peché, vous lui demanderez pardon.

2. Voyez que le jour present vous est donné, afin qu'en iceluy vous puissiez gaigner le jour advenir de l'eternité, et ferez un ferme propos de bien employer la journée à cette intention.

3. Prevoyez quelles affaires, quels commerces, et quelles occasions vous pouvez rencontrer cette journée-là pour servir Dieu, et quelles tentations vous pourront survenir de l'offenser, ou par colere, ou par vanité, ou par quelqu'autre desreglement et par une saincte resolution, preparez-vous à bien employer les moyens qui se doivent offrir à vous de servir Dieu et advancer vostre devotion: Comme au contraire, disposez-vous à bien eviter combattre et vaincre, ce qui peut se presenter contre vostre salut, et la gloire de Dieu. Et ne suffit pas de faire cette resolution; mais il faut preparer les moyens pour la bien executer. Par exemple, si je prevoy de devoir traicter de quelque affaire avec une personne passionnée et prompte à la colere, non seulement je me resoudray de ne point me relascher à l'offenser, mais je prepareray des paroles de douceur pour la prevenir, ou l'assistance de quelque personne, qui la puisse contenir. Si je prevoy de pouvoir visiter un malade, je disposeray l'heure et les consolations et secours que j'ay à luy faire, et ainsi des autres.

. 4. Cela fait, humiliez-vous devant Dieu, recognoissant que de vous mesme vous ne sçauriez rien faire de ce que

vous avez deliberé, soit pour fuir le mal, soit pour executer le bien. Et comme si vous teniez vostre cœur en vos mains, offrez-le avec tous vos bons desseins à la divine Majesté, la suppliant de le prendre en sa protection, et le fortifier pour bien reussir en son service et ce par telles ou semblables paroles interieures : ô Seigneur ! voilà ce pauvre et miserable cœur, qui par vostre bonté á conceur plusieurs bonnes affections; mais helas ! il est trop foible et chetif pour effectuer le bien qu'il desire, si vous ne luy departez vostre celeste benediction, laquelle à cette intention je vous requiers, ô pere debonnaire, par le merite de la passion de vostre fils, à l'honneur duquel je consacre cette journée et le reste de ma vie : invoquez Nostre-Dame, Vostre bon ange, et les Saincts, afin qu'ils vous assistent à cet effet.

Mais toutes ces actions spirituelles se doivent faire briefvement et vivement devant que l'on sorte de la chambre, s'il est possible, afin que par le moyen de cet exercice tout ce que vous ferez le long de la journée, soit arrouse dela benediction de Dieu; mais je vous prie, Philotée, de n'y manquer jamais.

CHAPITRE XI.

De l'exercice du soir, et de l'examen de conscience.

Comme devant vostre disner temporel, vous ferez le disner spirituel par le moyen de la meditation : ainsi avant vostre souper il vous faut faire un petit souper, au moins une collation devote et spirituelle. Gaignez doncques quelque loisir, un peu devant l'heure du souper; et prosternée devant Dieu, ramassant vostre esprit aupres de Jesus-Christ crucifié (que vous vous representerez par une simple consideration et œillade interieure), rallumez le feu de vostre

meditation du matin en vostre cœur, par une douzaine de vives aspirations, humiliations et eslancemens amoureux, que vous ferez sur ce divin Sauveur de vostre ame; ou bien en repetant les poincts que vous aurez plus savourez en la meditation du matin, ou bien vous excitant par quelqu'autre nouveau subjet, selon que vous aymerez mieux.

Quant à l'examen de conscience qui se doit tousjours faire avant qu'aller coucher, chacun sçait comme il le faut practiquer.

1. On remercie Dieu de la conservation qu'il a faicté de nous en la journée passée.

2. On examine comme on s'est comporté en toutes les heures du jour, et pour faire cela plus aisement, on considerera où, avec qui, et en quelle occupation on a esté.

3. Si l'on trouve d'avoir fait quelque bien, on en fait action de graces à Dieu : si au contraire l'on a fait quelque mal, en pensées, en paroles, ou en œuvres, on en demande pardon à sa divine Majesté, avec resolution de s'en confesser à la premiere occasion, et de s'en amender soigneusement.

4. Apres cela, on recommande à la providence divine son corps, son ame, l'Eglise, les parens, les amis: on prie Nostre-Dame, le bon ange, et les Saincts, de veiller sur nous, et pour nous; et avec la benediction de Dieu on va prendre le repos qu'il a voulu nous estre requis.

Cet exercice icy ne doit jamais estre oublié, non plus que celuy du matin: car par celuy du matin, vous ouvrez les fenestres de vostre ame au soleil de justice; et par celuy du soir vous les fermez aux tenebres de l'enfer.

CHAPITRE XII.

De la retraicte spirituelle.

C'est icy, chere Philotée, où je vous souhaite fort affectionnée, à suivre mon conseil : car en cet article consiste l'un des plus asseurez moyens de vostre advancement spiritul.

Rappelez le plus souvent que vous pourrez parmy la journée, vostre esprit en la presence de Dieu par l'une des quatre façons que je vous ay remarquées : regardez ce que Dieu fait, et ce que vous faictes: vous verrez ses yeux tournez de vostre costé, et perpetuellement fichez sur vous par un amour incomparable. O. Dieu, ce direzvous, pourquoy ne vous regarde-je tousjours comme tousjours vous me regardez : pourquoy pensez-vous en moy souvent, mon Seigneur ? et pourquoy pense-je si peu souvent en vous ? où sommes-nous, ô mon ame? nostre vraye place, c'est Dieu, et où est-ce que nous nous trouvons ?

si

Comme les oyseaux ont des nids sur les arbres pour faire leur retraicte, quand ils en ont besoin, et les cerfs ont leurs buissons et leurs forts, dans lesquels ils se recedent, et mettent à couvert, prenant la fraischeur de l'ombre en esté : ainsi, Philotée, nos cœurs doivent prendre ét choisir quelque place chaque jour, ou sur le mont de Calvaire, ou ès playes de Nostre Seigneur, ou en quelqu'autre lieu proche de luy pour y faire leur retraicte à toutes sortes d'occasions, et là s'alleger et recreer entre les affaires exterieures, et pour y estre comme dans un fort afin de se deffendre des tentations. Bienheureuse sera l'ame qui pourra dire en verité à Nostre Seigneur ? vous estes ma maison de refuge, mon rempart asseuré, mon

toict contre la pluye, et mon ombre contre la chaleur. Ressouvenez-vous doncques, Philotée, de faire tousjours plusieurs retraictes en la solitude de vostre cœur pendant que corporellement vous estes parmy les conversations et affaires et cette solitude mentale ne peut nullement estre empeschée par la multitude de ceux qui vous sont autour : car ils ne sont pas a autour de vostre cœur, ains autour de vostre corps? Si que vostre cœur demeure luy tout seul en la presence de Dieu seul? C'est l'exercice faisoit le roy David parmy tant d'occupations qu'il avoit, ainsi qu'il le tesmoigne par mille traicts de ses pseaumes, comme quand il dit : « O Seigneur, et moy je suis tous«<jours avec vous, je vois mon Dieu tousjours devant moy, jay eslevé mes yeux à vous, ô mon Dieu, qui habitez au « ciel, mes yeux sont tousjours à Dieu. »

que

Et aussi les conversations ne sont pas ordinairement si serieuses qu'on ne puisse de temps en temps en retirer le cœur pour le remettre en cette divine solitude.

Leś pere et mere de St Catherine de Sienne luy ayant osté toute commodité du lieu, et de loisir pour prier et mediter: Nostre-Seigneur l'inspira de faire un petit oratoire interieur en son esprit, dedans lequel se retirant mentalement, elle peut parmy les affaires exterieures vacquer à cette saincte solitude cordiale. Et depuis, quand le monde l'attaquoit, elle n'en recevoit nulle incommodité : parce, disoit-elle, qu'elle s'enfermoit dans son cabinet interieur, où elle se consoloit avec son celeste espoux. Aussi deslors elle conseilloit à ses enfans spirituels, de se faire une chambre dans le cœur, et d'y demeurer.

Retirez donc quelquesfois vostre esprit dedans vostre cœur, où separée de tous les hommes, vous puissiez traicter cœur à cœur de vostre ame avec son Dieu, pour dire avec David : « J'ay veillé et ay esté semblable au pelican