galees et galiaces, et la dicte place est faicte en maniere de une halle couverte, et quant les bateaulx sont faicts et acheves avecques engins sont tires en la riviere joingnant au flot de la mer. Et iceulx chasteaulx cy devant declaires quant le roy les alla veoir il les trouva bien fournys dartillerie et en grant nombre faicte et a faire, et avoient aussi grant habondance de plusieurs sortes de metaulx et engins au meillieu de la dicte ville de Pise. Selon la grandeur dicelle ville il y a ung moult beau et noble pont nomme Pigrant. Et dessus icelluy pont y avoit ung grant lyon de beau marbre blanc, le quel lyon tenoit les armes de Florence, et depuis a este violentement abattu par ceulx de la dicte ville de Pise. Et comme on dict les dicts Pisains lavoient trayne par la fange pour faire grant despit aux dicts Florentins qui fut chose bien vindicative a leur advis, dont il est bien a presumer que les dicts Florentins nen furent trop bien contens non sans cause, car cestoit en desprisant la seigneurie et les armes de Florence. En cette ville antique a une tres belle eglise, et ung des beaulx cymetieres qui soit au monde, long et quarre tout couvert et tout painct de riches painctures, cest a scavoir depuis la creation du monde, du Vieil Testament et du Nouveau de lincarnation du Fils de Dieu jusques a sa mort et de Nostre Dame et dautres histoires et vies des saincts, et ne furent jamais les painctures faictes pour trente mille ducats. Et toute la terre estant au dict cymetierre a este apportee de Hierusalem, et au pres de la croix ou fut crucifie Jesus Christ au mont de Calvaire apportee par mer par le commandement de lempereur Constantin.

Lundy x jour de novembre le roy partit de Pise apres quil eut ouy messe et alla disner au pont Codere et coucher a Empoly.

Mardy xi jour du dict moys le roy ouyt messe et disna au dict Empoly, et coucha au Pont du Signe a deux lieues de Florence, et la se tint le roy depuis le dict jour jusqu'au xvir de novembre. Luy estant en son logis luy vint plusieurs ambassades tant de Venise*, de Sene que de Florence. En ce temps les gens darmes sassemblerent pour aller a Florence et lartillerie aussi, les bendes des Alencons, car il y avoit quelque different a Florence entre Pierre de Medicis et ceulx de la ville a cause de ce quil avoit mys le roy et ses gens es places cy devant declairees, et cuyderent prendre le dict Medicis en la ville de Florence, cependant aussi y alla des gens du roy pour traicter du passaige du roy et dautres gens avec la puissance du roy pour le loger en la dicte ville, faulxbourcs et autres places circonvoisines de la ville de

Pour ce que la memoire en est asses fresche et recente, se ne estoit affin de ramentevoir la morale integrite du tres noble roy Charles VIII, au quel comme iceulx Venitiens presenterent secretement mettre entre ses mains la personne du dict Maximilian pour lors roy des Rommains. Le quel par mille promesses derisoires ils avoyent faict venir en Ytalie pour le tromper. Alors le roy tres chrestien par instinct de hault couraige royal et magnanime eut horreur dune trahison si execrable. Si envoya en grant diligence icelles mesmes lettres au dict roy des Rommains, affin quil fut sur sa garde. Nonobstant que alors et de long temps il y eut entre les dicts deux princes plus dapparence dennemistie que de paix. Et tout par la trahison dicenlx Venitiens et dautres mauvais esperits. Le quel exemple de preudhommie francoise est bien digne destre recite par ung Valere, ou par ung Titelive. (J. le Maire de Belges, folio bb.1.)

Florence, et le logis faict par fourrier ce quils octroyerent et tindrent, et y fut plusieurs fois monseigneur le mareschal de Gye, monseigneur de Sainct Malo et autres des chambellans du roy, et tout bon appoinctement se fist en ce dict logis nomme le Pont du Signe.

CHAPITRE XIV.

Comment le roy fist son entree a Florence, et de la mutation qui y fut contre ceulx de la ville.

UNDY xvir jour de novembre le roy partit de son logis apres la messe ouye, et alla disner pres de Florence en ung palais qui est a ung seigneur du dict Florence nomme Cappon, et apres disner fist le roy son entree

qui fut moult belle et noble. Les seigneurs de Florence qui se nomment la seigneurie, cest grant chose quant a eulx et a faire leur entree furent les premiers qui entrerent et apres quils furent entres les bendes des Alemans commencerent a marcher, et entrerent en bel ordre, bannieres et guidons tout a pied, les bendes des coulevriniers, autre bende de ceulx qui portoient picques, autres bendes des joueurs despees a deux mains, autre bende des halebardiers, et chascune bende fournye denseigne selon les pays dont ils estoient, et tous fournys de tabourins et fleustes, et entrerent plusieurs bendes deux a deux, ou trois a trois, et aucuns alloient les trois coulevriniers, picquiers et halebardiers fournys de dagues

a leur mode, et la plus part armes a leur mode. Et estoit
monseigneur de Nevers, Auguilbert monseigneur de
Cleves a pied arme a leur mode, et moult bien luy seoit,
et le baillif de Dijon aussi arme, et le grant escuyer des-
cuyrie de la royne nomme Bornay, et estoient bien sept
mille Alemans. Apres entrerent les archiers dordonnance,
puis les hommes darmes bien armes et bardes a cheval,
et les conseilliers apres en grant nombre, car ils estoient
bien sept cens lances que estoit grant triumphe a les
veoir, car tout trembloit de trompettes, clarons, tabou-
rins et cornets. Apres entroient les cc. arbalestriers en
ordonnance une belle bende et bien en point, apres les
deux bendes darbalestriers vindrent les archiers de la
garde tout a pied armes de brigandines, gorgery, sallade,
chargee dorfaverie la plus part, gardebras sur leur bras
avec acier, arcs, trousses, poingnart, espee, dague et
leurs hoquetons dorfaverie moult riches qui estoit moult
belle chose a veoir tant dhommes dune parure, dont les
Ytaliens sesmerveillerent de veoir de si beaulx hommes,
grans, gros et bien fournys. Apres ceste bende estoient
les cappitaines, cest a scavoir monseigneur de Cresol et
le cappitaine Claude de la Chartre et son fils monseigneur
Quonquebourne lieutenant de monseigneur dAubigny
tous a pied et armes moult richement, et hoquetons dor-
faverie. Apres vindrent les cens gentils hommes de lhostel
du roy mieulx en
mieulx en point que jamais on ne les veit pour
cent hommes darmes et bien montes, bien bardes, bien
acoustres, tous selon leur couleur, de pleumars, de
mantelines, seons decouppes charges dorfaverie, et pages
sur gros cheveaulx non pareils, et coustilliers bien en

point. En apres un grant nombre de laquets fort richement habilles, tant de drap dor que de veloux, satin et taffetas pour le moindre drap, en leurs mains belles rapieres et poingnarts, et tout a lentour du roy et du poille qui estoit moult riche porte a la facon de France par les plus grans de la ville de Florence, et apres le prevost de l'hostel a tous ses archiers pour faire place devant le roy et ceulx qui portoient le poille. Le roy estoit moult bien en point, et monte sur ung courcier nomme Savoye, le quel estoit tout barde de drap dor. Son habillement de teste estoit aussi bien en point que jamais on veit a prince. Le grant escuyer descuyrie estoit devant le roy. Et apres vindrent les grans princes et seigneurs, tant du sang que les chevaliers de lordre moult richement armes et bardes. Apres les pensionnaires du roy qui estoient lune des belles bendes de lentree. Et vueillez scavoir que a toute ceste entree de Florence navoit un seul bagaige ne autre empeschement de nombre fors que honneur, et les cappitaines chascun apres sa bende, et ainsi entra le roy a Florence. A lentree du premier portail triumphal la seigneurie de la dicte ville estoit sur eschaufaulx richement habilles et de diverses facons dhabits comme florentines, genovoises, espaignolles, rommaines, venitiennes et lombardes. Les rues tendues et parees moult richement, misteres, dictons en latin et en francois a la louange du roy. Et fut mene le roy en la grant eglise nommee le Ave, et y fist ses oraisons, et apres fut remene en son logis en lhostel de Pierre de Medicis. Et demoura le roy au dict Florence depuis le lundy XVII jour de novembre jusques au xxe jour du

7