de tour, et y a entour du dict lac quatre villes qui sont au dict seigneur Virgile, cest a scavoir Brasaigne, Languilaire, Vigaire et Termaigne, et joingnant le dict Brasaigne a une forest toute plaine de porcs espics et dautres bestes sauvaiges. Le roy fut loge au dict Brasaigne depuis le vendredy jusques au mercredy xxx1° jour du dict moys. Et durant ce temps vindrent devers le roy de par le pape les cardinaulx, cest a scavoir le cardinal a Vincula, le cardinal Deulce, le cardinal de Montfeal, le cardinal de Sainct Sebon, le cardinal de Sainct Denys, de Lestaigne, le cardinal de Lorette et confesseur du pape et son premier chambellan et son secretaire. Les dessus nommez furent en conseil devant le roy et son grant conseil et la fut conclud touchant passage du roy, de Romme et du fait du pape, et tous furent receuz au dict chasteau aux despens du roy. Ce pendant le roy fist apprester toute son artillerie et son cas pour le dict voyaige. Ce pendant aussi Monseigneur de Ligny et dautres allerent mener les Alemans a Hostie oultre le Tybre port de mer. Et ce pendant cheut ung grant pan des murailles de Romme. Et ce pendant aussi le duc de Calabre retyra son armee a Romme et depuis sen alla hors du dict Romme. Il fut envoye de par le roy devers le pape Monseigneur le Mareschal de Gye, Monseigneur de la Trimouille avec les mareschaulx des logis pour adviser les logis tant du roy que de ses gens darmes.

le

CHAPITRE XVII.

Comment le roy entra à Romme et fist paix avec le pape, et eut jubile et ses gens aussi, et comment le pape esleut le roy de France empereur de Constantinople, et du desbat des Francois, Ytaliens et Juifs.

E roy se partit du dict Brasaigne le dernier jour de decembre apres ouyr messe et alla disner et coucher a Romme et y entra par la porte Flamine * et passa devant Saincte Marie de Populo et fut loge au palais Sainct

Marc ung beau lieu et fort spacieux, car en la grant court au devant du palais lartillerie du roy y estoit, il fut tard quant tout le train du roy fut loge. Le lendemain le roy alla ouyr messe a Sainct Marc joingnant son logis au quel lieu il alloit souvent. Et demoura le roy a Romme jusques au XXVIII jour de janvier et ce pendant il advisa au fait de son voyaige et a son entreprinse. Et peu de temps apres la compaignie des gens darmes eurent leurs esticquette pour passer oultre Romme en tyrant contre Naples. En ce temps allerent devers le pape pour traicter de paix Monseigneur de Bresse, Monseigneur de Ligny,

* Une députation composée des principaux seigneurs de Rome l'attendait hors des portes; elle venait, au nom du pape et de la ville, mettre tout à sa disposition; mais lui, toujours sur son cheval Savoie, toujours armé de toutes pièces, la lance toujours en arrêt sur la cuisse, s'estimait plus grand que jamais! Ce conquérant se croyait bien plus maître que ces habitants de tout ce qu'ils venaient lui offrir. (Histoire de Charles VIII, par le comte P. de Ségur, tome 2, page 28.)

Monseigneur le mareschal de Gye et Monseigneur de Fouez et y allerent par plusieurs jours et menerent ung vaillant et excellent docteur en theologie nomme maistre Jehan dArly confesseur du roy evesque dAngiers et natif de Picardie, et quant le pape le veit faire si saigement et orneement sa harangue en beau latin moult bien aorne de si grant sens il en tint grant compte et fut cause du brief appoinctement du pape et du roy*.

Le lundy xi jour de janvier le roy alla ouyr messe a Ara celi et est sur une montaigne et y a ung convent de Freres mineurs moult beau, en icelle eglise est le corps de saincte Helene femme de lempereur Constantin, en la dicte eglise est le tabernacle que sainct Luc fist qui est la premiere ymage de Nostre Dame qui fut monstree au roy et est sur ung hault pillier. En ce lieu et montaigne devant que leglise y fut faicte estoit le lieu ou la Sibille monstra a lempereur Constantin Nostre Dame tenant son enfant entre ses bras au ciel et luy dict que cestuy enfant estoit supernel et le vray Dieu. Joingnant cette eglise a une esguille, et sur celle esguille a une pomme darain la est la pouldre du corps de Seneque. Et pres de la est lhostel de la ville de Romme ou souloit estre le Capitole nomme a present Campedole, et monte lean en icelle eglise par plusieurs degres de pierre grans et spacieux. Le mardy XIII jour de janvier** le roy ouyt messe

* Le traité entre Charles VIII et le Pape Alexandre VI fut signé à Rome le 11 janvier 1494. (Ordonnances des rois de France, recueillies par M. le marquis de Pastoret, membre de l'Institut, tome xx, page 85.) Le 13 janvier 1494, Charles VIII rendit l'ordonnance suivante qui fut publiée à Rome et criée à son de trompe comme dans Paris: Decla

**

a la Minerve une eglise de Nostre Dame ou sont les Jacobins et alla ouyr vespres a Sainct Sebastian hors de Romme bien accompaigne de ses gardes et autres gens. En ce temps se leva une commotion et noyse entre les Juifs et aucuns des gens du roy tant Francois, Escossois, Alemans que autres nations, et fut icelle noyse en la rue des Juifs pres de la place de Judee au dict Romme et fut si grant que il y eut plusieurs Juifs tuez pillez leur sinagogue pillee et rompue et deux caprions de ceulx de Romme tuez avec ung archier de la garde et dautres des gens du roy, maís a cause de la mort des deux caprions et des Juifs le roy en fut si marry quil ordonna a Monseigneur le mareschal de Gye que ceulx quon pourroit trouver chargez de celluy inconvenient fussent pendus, et ainsi fut il fait, car il en fut prins six qui furent pendus et estranglez a Romme aux creneaulx des fenestres dune maison dont il y avoit deux Mores et ung de Tours et les trois dautre pays, et depuis le roy fist faire trois justices au dict lieu de Romme en divers lieux qui fut une chose pour bailler a congnoistre que le roy estoit bien craint es Ytalies. Les Alemans estoient loges a Sainct Paul hors de Romme du coste de Naples et la avoient leur ost, il y en eust eu de pendus a la huquemaque si neust este de paour quils ne se fussent esmeuz, car ils estoient bien huyt mille. Durant le dict temps le roy estant a

ration par laquelle le roy veut et ordonne que les ouvrages faits es monnoies de Bretagne, de Dauphine, de Bourgongne, de Provence et jugemens diceux soient faits en la chambre des monnoies de Paris. (Ordonnances des rois de France, tome xx, page 462.)

Romme y cheut une quantite de la muraille du donjeon du chastel Sainct Ange dont le pape fut moult esbaby et

courrouce.

Le mercredy XIVe jour du dict moys le roy ouyt la messe a Nostre Dame de Consolation et alla disner a Nostre Dame la noble une belle eglise et beau convent et vivent comme Celestins.

Leans fut monstre le premier masle et la femelle * et ne porte point si la femelle nest pres du masle, car a Sainct Paul hors de Romme en avoit ung qui ne portoit point a cause et de faulte de femelle.

Jeudy xv jour du dict moys le roi ouyt messe a Sainct Marc, et apres disner alla veoir vener les bestes privees, comme beufs, vaches et thoreaulx a force de chiens en une grant place et puis apres les menent parmy Romme tousjours courant et attachez de cordes, cest la facon du pays principalement a Romme, et disent que la chair en est plus tendre a manger. Ce jour le roy alla veoir le palais nomme Colisieurs ou il y a plus de pierres que en dix palais de Paris et est au roy et on y chante la passion le vendredy sainct.

Vendredy xvre jour de janvier le roy ouyt messe a Sainct Pierre a Romme contre le Tybre, car il estoit loge au palais Sainct Marc qui est bien loing de Sainct Pierre entre le dict Tybre en tyrant a Sainct Jehan de Latran. Ce jour fut faicte bonne paix entre le pape et le roy tellement que le roy demoura au palais de Sainct Pierre au logis du pape et y fut loge plusieurs jours

* Cette lacune de 11 lettres existe dans l'édition originale.