tationem, prædicto Seminario destinatam subtrahere cœptum est, plurimos non sine insigni Catholicæ Ecclesiæ ignominia, egregie ad pietatem et religionem instructos adolescentes fidem eum studiis deseruisse, et ad pristinos popularium suorum errores relapsos audivimus: cum vero circumhabitantes hæreticos hac ansa arrepta aversæ fidei Principes adduxisse et impulisse constat, ut ipsi suis zizaniis nova seminaria producerent, et erigerent; ad quæ tanto amplior et frequentior Nobilium juventus, labescente Fuldensi, confluxit, quanto gravius et indignius isti suæ Nationi, nihil tale merenti, revocatum et ereptum beneficium antea ultro et liberaliter indultum doiuere. Quæ turbatio quam luctuosa ovili Dominico dispendia, et hostibus diu optata spolia tulerit malum quidem ipsum loquitur et testatur: ideoquc provida emendatione et matura, illud deleri ex animo cupimus. Et ut hoc Fuldense seminarium, inter ipsos Germaniæ antesignatos hæreticos, in nobilissima Sacri Imperii Provincia, feliciter enatum, constitutum, et uberi fertilique cultura aliquandiu servatum, Vestra Sanctitas prælaudata et celebri sua, in propaganda, restaurandaque Orthodoxa Catholica religione, Paterna cura et sollicitudine, ope et auxilio S. Sedis Apostolicæ de novo erigat, foveat, perpetuet omnibus modis ab eadem Sanctitate Vra. contendimus. Eamque hoc facturam prorsus confidimus, cum illam Principis Apostolorum beati Petri agnoscamus successorem et sub ejusdem nominis Gregorii titulo hujus Fuldensis seminarii fundatoris (cujus temere nunquam violanda est authoritas et piissima intentio) divinitus afflictissimæ Ecclesiæ in præsidium quoddam singulari datum esse minime dubitemus. Utque sic re et nomine duplici Gregoriana fundatione, erectione, et restauratione, dictum Fuldense Seminarium lætari et gloriari queat. Deus Opt. Max. Sanctitatem Vram. suæ universalis Ecclesiæ quam diutissime et felicissime incolumen conservare dignetur. Datis Neostadii ultima Februarii anno nonagesimo primo. Ejusdem Sanctitatis Vræ. MAXIMILIANUS, IMP. FIN DU TOME SECOND. |