CLIMENE.

Quoy, vous l'auez veuë?

VRANIE.

Ouy; & écoutée d'vn bout à l'autre.

CLIMENE.

Et vous n'en auez pas efté iufques aux conuulfions, ma chere ?

VRANIE.

Ie ne fuis pas fi délicate, Dieu mercy; & ie · trouue pour moy, que cette Comedie feroit plûtoft capable de guerir les gens, que de les rendre malades.

CLIMENE.

Ah mon Dieu, que dites-vous là! Cette propofition peut-elle eftre auancée par vne perfonne, qui ait du reuenu en fens commun? Peut-on, impunément, comme vous faites, rompre en vifiere à la raifon? & dans le vray de la chofe, eft-il vn efprit fi affamé de plaifanterie, qu'il puiffe tafter des fadaifes dont cette Comedie eft affaisonnée? Pour moy, ie vous auouë, que ie n'ay pas trouué le moindre grain de fel dans tout cela. Les enfans par l'oreille m'ont parû d'vn gouft deteftable. La tarte à la créme m'a affady le cœur; & i'ay pensé vômir au potage.

ELISE.

Mon Dieu! que tout cela eft dit élegamment. l'aurois crû que cette Piece eftoit bonne; mais Madame a vne eloquence fi perfuafiue, elle tourne les chofes d'vne maniere fi agreable, qu'il faut eftre de fon fentiment, malgré qu'on en ait.

VRANIE.

Pour moy ie n'ay pas tant de complaisance, & pour dire ma pensée, ie tiens cette Comedie vne des plus plaifantes que l'Autheur ait produites.

CLIMENE.

Ah! vous me faites pitié, de parler ainfi ; & ie ne fçaurois vous fouffrir cette obfcurité de difcernement. Peut-on, ayant de la vertu, trouuer de l'agrément dans vne Piece, qui tient fans ceffe la pudeur en allarme, & falit à tous momens l'imagination?

ELISE.

Les jolies façons de parler, que voila! Que vous eftes, Madame, vne rude ioüeufe en Critique; & que ie plains le pauure Moliere de vous auoir pour ennemie.

CLIMENE.

Croyez-moy, ma chere, corrigez de bonne foy voftre iugement, & pour voftre honneur, n'allez point dire par le monde que cette Comedie vous ait plû.

VRANIE.

Moy, ie ne fçay pas ce que vous y auez trouué qui bleffe la pudeur.

CLIMENE.

Helas tout; & ie mets en fait, qu'vne honnefte femme ne la fçauroit voir, fans confusion; tant i'y ay defcouuert d'ordures, & de faletez.

VRANIE.

Il faut donc que pour les ordures, vous ayez des lumieres, que les autres n'ont pas : car pour moy ie n'y en ay point veu.

CLIMEN E.

C'efl que vous ne voulez pas y en auoir veu, affeurément : car enfin toutes ces ordures, Dieu mercy, y font à vifage découuert. Elles n'ont pas la moindre enueloppe qui les couure; & les yeux les plus hardis font effrayez de leur nudité.

Mais encore, s'il vous plaift, marquez-moy vne de ces ordures que vous dites.

CLIMENE.

Helas, eft-il neceffaire de vous les marquer?

VRANIE.

Ouy ie vous demande feulement vn endroit, qui vous ait fort choquée.

CLIMENE.

En faut-il d'autre que la fcene de cette Agnes, lors qu'elle dit ce que l'on luy a pris?

VRANIE.

Et bien, que trouuez-vous là de fale?

CLIMENE.

Ah!

VRANIE.

De grace?

CLIMENE.

Fy.

VRANIE.

Mais encore?

A

CLIMENE.

Ie n'ay rien à vous dire.

VRANIE.

Pour moy, ie n'y entens point de mal.

CLIMENE.

Tant pis pour vous.

VRANIE.

Tant mieux plûtoft, ce me femble. Ie regarde les chofes du cofté qu'on me les monstre; & ne les tourne point, pour y chercher ce qu'il ne faut pas voir.

CLIMENE.

L'honnefteté d'vne femme...

VRANIE.

L'honnefteté d'vne femme n'eft pas dans les grimaces. Il fied mal de vouloir eftre plus fage, que celles qui font fages. L'affectation en cette matiere eft pire qu'en toute autre; & ie ne voy rien de fi ridicule, que cette delicateffe d'honneur, qui prend tout en mauuaife part; donne vn fens criminel aux plus innocentes paroles; & s'offence de l'ombre des chofes. Croyez-moy, celles qui font tant de façons n'en font pas eftimées plus femmes de bien. Au contraire, leur feuerité mysterieufe, & leurs grimaces affectées irritent la cenfure de tout le monde, contre les actions de leur vie. On eft rauy de découurir ce qu'il y peut auoir à redire; & pour tomber dans l'exemple, il y auoit l'autre jour des Femmes à cette Comedie, vis-à-vis de la Loge où nous estions, qui par les mines qu'elles affecterent durant toute la Piece; leurs

détournemens de tefte; & leurs cachemens de visage, firent dire de tous coftez cent fottifes de leur conduite, que l'on n'auroit pas dites fans cela; & quelqu'vn mefme des Laquais cria tout haut, qu'elles eftoient plus chastes des oreilles que de tout le refte du corps.

CLIMENE.

Enfin il faut eftre aueugle dans cette Piece, & ne pas faire femblant d'y voir les choses.

VRANIE.

Il ne faut pas y vouloir voir ce qui n'y eft pas.

CLIMENE.

Ah! ie foûtiens, encore vn coup, que les faletez y creuent les yeux.

Et moy, ie ne demeure pas d'accord de cela.

CLIMENE.

Quoy la pudeur n'eft pas vifiblement bleffée par ce que dit Agnes dans l'endroit dont nous párlons?

VRANIE.

Non vrayment. Elle ne dit pas vn mot, qui de foy ne foit fort honnefte; & fi vous voulez entendre deffous quelque autre chofe, c'est vous qui faites l'ordure, & non pas elle; puifqu'elle parle feulement d'vn ruban qu'on luy a pris.

CLIMENE.

Ah! ruban, tant qu'il vous plaira; mais ce, le, où elle s'arrefte, n'eft pas mis pour des prunes. I! vient fur ce, le, d'eftranges pensées. Ce, le, fcan