cent gentils hommes a la manche large. Monseigneur de Myolans gouverneur du Daulphine et capitaine des cent autres gentils hommes et des arbalestriers. Monseigneur de Cresol capitaine des deux cens archiers de la garde francoise. Le capitaine Claude capitaine des cent archiers de la garde dEscosse. Item plusieurs grans seigneurs du sang royal et chambellans et autres gens du conseil qui partirent avec le roy. Sensuit larmee par terre, hommes darmes trois mille six cent. Archiers a pied six mille deux cent. Arbalestriers a pied huyt mille. Piques longues huyt mille. Le seigneur Ludovic deux mille quarante. Pierres grosses cent quarante. Bombardes mille deux cent. Dastardeurs six mille deux cent. Maistres pour habiller lartillerie deux cent. Maistres charpentiers six cent. Maistres pour abattre murailles trois cent. Maistres pour pierres de fonte neuf cent. Maistres pour faire charbon deux cent. Maistres pour faire cordes six vingts. Chevaulx pour mener lartillerie buyt mille. Chartiers quatre mille.

AUTRE ARMEE PAR TERRE.

Monseigneur de Serve quarante lances. Monseigneur de Monfaucon quarante lances. Monseigneur Robert de la Marche trente lances. Le mareschal de Baudricourt soixante lances. Monseigneur de Guise quarante lances. Monseigneur de Chande trente lances. Monseigneur de Mauleon cc lances. Monseigneur Aymart de Poye xxv lances. Monseigneur de Camicam xxxv lances. Le capitaine Odet vingt lances.

Sensuyt larmee par mer, les gentils hommes dAgenes quatre mille. Les gentils hommes de Normandie quatre mille, et estoient tous pour la garde de monseigneur dOrleans.

Vivandiers deux cent. Naves grosses XXIV. Galleasses grosses huyt. Capitaines de mer. Le duc dOrleans. Le conte dAngoulesme. Le duc de Nemours. Le prince dOrange. Monseigneur de Vandosme. Le conte de Ligny. Le conte de Nevers. Monseigneur Dalebret. Le conte de Boulongne. Le grant Bastard de Bourgongne. Le grant Bastard de Bourbon. Le mareschal de Bourgongne. Le gouverneur de Champaigne. Le gouverneur de Bourgongne avec leurs compaignies qui sont quinze mille quarracques, unze galleras, deux cent vingt et six gallees, a voille cinquante, brigantins soixante, fustes quatre vingts non comprinses les barques qui y sont sans nombre.

Autre nombre de gens dordonnance sans les dicts capitaines par mer. Mon dict seigneur dOrleans cent lances. Monseigneur de Foix cinquante lances. Monseigneur Gracien cinquante lances. Le baillif de Dijon trente lances et trois mille Suysses. Monseigneur de Montaison trente lances. Monseigneur Dalegre quarante lances. Monseigneur de Chaumont trente lances. George de Silly trente lances. Castillon trente lances. Julien Burinel trente lances. Monseigneur de Vergy trente lances. Monseigneur Darmansy quarante lances. Dom Jehan trente lances. Andre de Lospital Liv lances. Monseigneur de la Place quarante lances. Le mareschal de Bourgongne XL lances. Monseigneur Daubigny cent lances. Autre nombre

Monseigneur de Ligny cent lances. Monseigneur de la Trimouille cinquante lances. Monseigneur de Silly quarante lances. Monseigneur le grant escuyer quarante lances. Monseigneur de Beaumont quarante lances. Monseigneur de Piennes cinquante lances. Monseigneur le prince dOrange quarante lances. Le seneschal Darmignac xxv lances. Monseigneur Pierre de Bellefrontiere xxv lances. Despert de Bonneville xxv lances.

Et en tout ce present nombre nest entendu que ceulx qui sont au gaiges du roy. Et comme le roy vouloit partir pour aller en son royaulme de Naples une maladie print monseigneur Desquerdes, tellement quil ne peut aller avec le roy, et fut ordonne quil retournast en Picardie dont il estoit natif a cause que lair luy estoit plus sain. Et en retournant il mourut a la Bresle a trois lieues de Lyon. Le corps fut mis en ung luiseau de plomb, et comme il avoit commande estre porte a Boulongne sur la mer a cause quil avoit devotion a Nostre Dame de Boulongne ou il avoit en sa vie fait de grans biens et donne des lampes dargent. Et par le commandement du roy on fist a son corps bel honneur en toutes les villes par ou il passoit. De sa mort fut le roy tres marry, car il avoit este toujours de bon conseil et loyal.

CHAPITRE III.

Comment la religion et convent de lObservance de Lyon sur le Rosne fut fondee par Charles VIII et Anne de Bretaigne.

A religion et convent de lObservance de Lyon sur le Rosne fut fondee es faulxbourgs de la dicte ville au lieu des Deux Amans pres le chasteau de Pierre Size* lan mil quatre cens

quatre vingts et treize avant Pasques, et le xxve jour de mars qui est le jour de la feste de lAnnunciation dominicale, regnant en pontifical a Romme Alixandre pape sixiesme de ce nom.

**

Et en fut le fondateur le roy Charles huytiesme de ce nom et ma dame Anne de Bretaigne royne de France, et fut fondee en lhonneur de Dieu et de la Vierge Marie,

* Un historien contemporain Jean le Maire de Belges parlant de plusieurs Venitieus retenus prisonniers dans ce château le nomme Pierre Assise, Et pour donner foy de la victoire dessus dicte avons veu faire son entree a Lyon Barthelemi Dalviane capitaine des Venitiens pri<< sonnier du roy: avec certains autres lesquels sont maintenant chas«tellains de Pierre Assise.» (Legende des Venitiens, folio cc.)

(

**Le bon roy le quel par avant, par le moyen et lav olonte de son fet pere Loys avoit fiancee dame Marguerite de Flandre fille de Maximilien roy des Rommains, mays le dict roy Maximilien ne voulut consentir au dict traite de mariage, le discret roy Charles la renvoya a son pere et espousa Anne fille unique et seulle heritiere du duc de Bretaigne, daine tres prudente, modeste. benigne, et belle de corps et dame, par le moyen du quel mariage la dicte duchee de Bretaigne fut unie au dict royaulme de

monseigneur sainct Francois et saincte Vrsule et tous les saincts et sainctes de paradis.

Lequel convent fut nomme Nostre Dame des Anges. Le roy fist acheter la place et amortir tant en sa chambre des comptes a Paris, que envers les seigneurs, doyen et chapitre de sainct Jehan de Lyon en la seigneurie directe et justice desquels la dicte place et maison estoient. Les dicts fondateurs myrent de leurs propres mains la premiere pierre en signe de tiltre et fondation de leglise, en laquelle pierre sont figurees et eslevees leurs armes, et est escript dessoubs les dictes armes.

JESUS MARIA

KAROLUS OCTAVUS FUNDATOR HUJUS ECCLESIÆ

DOMINE NOSTRE DE ANGELIS.

ET ANNA REGINA.

MCCCC.XCIII.

A ce estoit present a ceste fondation tres hault et puissant prince et seigneur monseigneur Loys duc dOrleans, Loys de Luxembourg conte de Ligny, Anguilbert monseigneur de Cleves, monseigneur Philebert fils de monseigneur le conte de Bagis de Bresse, monseigneur de la Tour conte de Boulongne, tres reverend pere en Dieu messire Jehan Bail archevesque dAmbron et maistre Jehan dArly evesque dAngiers, confesseur du roy, doc

France, de laquelle noble dame III enfans masles eut le dict roy des quels Dieu par sa divine prudence en leur premier an, en a fait son commandement. (Le petit Fardelet des fais, imprimé à Lyon par Mathieu Hus, lan 1498. Folio M..)